scorecardresearch

सानपाडा रेल्वे स्टेशन बाहेर त्याने स्वतःला पेटवून घेतले

पोलिसांनी विचारणा केल्यावर त्याच्या दारूच्या व्यसनाला कंटाळून चार दिवसांपासून पत्नीने घरात घेणे बंद केल्याची माहिती समोर आली.

सानपाडा रेल्वे स्टेशन बाहेर त्याने स्वतःला पेटवून घेतले
रुग्णलयात उपचारांसाठी दाखल करण्यात आले

नवी मुंबई : नवी मुंबईतील कायम गजबजलेल्या सानपाडा रेल्वे स्टेशन बाहेर एका व्यक्तीने स्वतःला पेटवून घेतल्याने खळबळ उडाली.  काही लोकांची मदत वेळेवर अग्निशमन दल पोहचल्याने त्याचा जीव वाचला असून त्याच्यावर वाशी मनपा रुग्णालयात उपचार सुरू आहेत. आज (सोमवारी) दुपारी साडेचार पावणेपाचच्या सुमारास सानपाडा रेल्वे स्टेशन बाहेर एका व्यक्तीने स्वतःला पेटवून घेतल्याने खळबळ उडाली.

हेही वाचा >>> नवी मुंबईत स्वच्छतेबाबतची मरगळ संपता संपेना…; निर्माल्य कलश भरले; उचलणार कधी ?

पेट घेतल्यावर तो झाडीत पडला तेव्हढ्यात त्याला विझवण्याचा प्रयत्न आसपासच्या लोकांनी केला तर काहींनी थेट अग्निशमन दलास फोन केले. मात्र तोवर त्याला लागलेली आग विझली आणि त्यानंतर त्याला वाशीमधील प्रथम संदर्भ रुग्णलयात उपचारांसाठी दाखल करण्यात आले त्यावेळी त्याने स्वतःची ओळख  महेश रामचन्द्र पांढरे म्हणून करून दिली. आत्महत्येचा प्रयत्न का केला अशी विचारणा केल्यावर त्याने स्वतःच्या एका मित्राचा नंबर दिला. त्याच्या मित्राला पोलिसांनी विचारणा केल्यावर त्याच्या दारूच्या व्यसनाला कंटाळून चार दिवसांपासून पत्नीने घरात घेणे बंद केल्याची माहिती समोर आली. कदाचित या नैराश्यातून त्याने हे कृत्य केले असेल अशी शक्यता पोलिसांनी वर्तवली आहे.

मराठीतील सर्व नवी मुंबई ( Navimumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 26-12-2022 at 21:13 IST

संबंधित बातम्या