नवी मुंबईतील बारमालकाची कर्नाटकच्या जंगलात हत्या, चौघांना अटक

कर्नाटकच्या जंगलात सीबीडी येथील बारमालक वशिष्ठ यादव यांची हत्या करण्यात आली होती

नवी मुंबईतील बारमालकाच्या हत्येप्रकरणी चौघांना अटक करण्यात आली आहे. कर्नाटकच्या जंगलात सीबीडी येथील बारमालक वशिष्ठ यादव यांची हत्या करण्यात आली होती. १० फेब्रुवारीला उडपीमध्ये बेलनहल्लीजवळच्या कुक्के गावातील जंगलामध्ये त्यांचा मृतदेह आढळला होता. याप्रकरणी पोलिसांनी कारवाई करत चौघांना अटक केली आहे.

पोलिसांकडून अटक करण्यात आलेल्या आरोपींची नावे सुमित मिश्रा (२३), अब्दुल शुकूर (३५), अविनाश कारकेरा (२५) आणि मोहम्मद शरीफ (३२) अशी आहेत. सुमित हा माया बारमध्ये आधी काम करत होता. तर इतर तिघे जण एका ट्रॅव्हल कंपनीत कामाला होते. पोलिसांनी दिलेल्या माहितीनुसार, सुमित आणि वशिष्ठ यांच्यात तीन महिन्यांपूर्वी पैशांवरुन भांडण झालं होतं. यानंतर त्याने नोकरी सोडली होती.

सुमित याने वशिष्ठ यांना उडपी येथे आणलं आणि वायरीने गळा आवळून हत्या करण्यात आली. स्थानिकांनी मृतदेह पाहिल्यानंतर पोलिसांना कळवलं होतं. तपासासाठी पोलिसांचं एक पथक नेमण्यात आलं होतं. या पथकाने गुन्ह्यात वापरलेल्या कारचा शोध लावत आरोपींना अटक केली आहे. हत्येसाठी वापरण्यात आलेली कारही जप्त करण्यात आली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व नवी मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Navi mumbai maya bar owner murder in karnataka four arrested sgy

Next Story
उरणमध्ये एनएमएमटी बस पास वितरण सुविधा देण्याची मागणी
ताज्या बातम्या