Navi Mumbai Municipal Corporations survey to prevent the impact of measles emphasis on vaccination | Loksatta

नवी मुंबई महापालिकेचा गोवरच्या प्रभाव प्रतिबंधासाठी सर्वेक्षण, लसीकरणावर भर

नागरी प्राथमिक आरोग्य केंद्र जुहूगाव, सीबीडी बेलापूर, करावे, पावणे खैरणे या कार्यक्षेत्रात ५ डिसेंबरपासून लसीकरणाच्या दुसऱ्या फेरीचे लसीकरण करण्यात आलेले आहे

नवी मुंबई महापालिकेचा गोवरच्या प्रभाव प्रतिबंधासाठी सर्वेक्षण, लसीकरणावर भर

विविध शहरांमधील गोवरचा वाढता प्रभाव लक्षात घेऊन गोवरचा नवीन रुग्ण आढळल्यास त्या भागात ९ महिने ते ५ वर्ष वयाच्या बालकांना मिझेल रुबेलो लसीचा १ अतिरिक्त डोस तसेच ६ महिने ते ९ महिने वयाच्या बालकांस एमआर लसीचा झिरो डोस देण्याचा निर्णय महापालिकेने घेतला होता. त्यानुसार जुहूगाव, सीबीडी बेलापूर, करावे, पावणे या ४ नागरी प्राथमिक आरोग्य केंद्रात अतिरिक्त डोस व झिरो डोस देण्यात आले. गोवरचा संसर्ग रोखण्यासाठी महापालिकेकडून प्रभाग निहाय सर्वेक्षण आणि लसीकरणावर जोर दिला जात आहे.

हेही वाचा- नवी मुंबई :वाशी फिडरमधील तांत्रिक बिघाडामुळे कोपरखैरणेतील अनेक भागात अंधार; दोन तासांनी वीजपुरवठा सुरळीत

पावणे नागरी प्राथमिक आरोग्य केंद्रातील १९ बुथवर १५९६ अतिरिक्त डोस, जुहूगांव नागरी प्राथमिक आरोग्य केंद्र क्षेत्रात १७ बुथवर ६० झिरो डोस व १४०५ अतिरिक्त डोस देण्यात आले. त्याचप्रमाणे करावे नागरी प्राथमिक आरोग्य केंद्रातील २० बुथवर ५९ झिरो डोस व १०२५ अतिरिक्त डोस आणि सीबीडी बेलापूर नागरी प्राथमिक आरोग्य केंद्रातील २७ बुथवर ५९ झिरो डोस व ११६२ अतिरिक्त डोस देण्यात आलेले आहेत. अशाप्रकारे एकूण १७८ बालकांना झिरो डोस व ५१८८ बालकांना अतिरिक्त डोस म्हणजेच एकूण ५३६६ बालकांचे लसीकरण करण्यात आले आहे.

हेही वाचा- सीवूड्समधील टिळक एज्युकेशन शाळेच्या इमारतीत अनधिकृत बांधकाम; नवी मुंबई महापालिकेने बजावली नोटीस

जास्तीत जास्त लाभार्थांना लसीकरणाचा लाभ मिळावा या उद्देशाने नागरी प्राथमिक आरोग्य केंद्र जुहूगाव, सीबीडी बेलापूर, करावे, पावणे खैरणे या कार्यक्षेत्रात ५ डिसेंबरपासून लसीकरणाच्या दुसऱ्या फेरीचे लसीकरण करण्यात आलेले आहे. यामध्ये ८७५५ अतिरिक्त डोस व २२४ झिरो डोस देण्यात आलेले आहेत. त्याचप्रमाणे नागरी प्राथमिक आरोग्य केंद्र खैरणे या परिसरात प्रभाव आढळल्याने त्याठिकाणी ५ ते ९ डिसेंबर या कालावधीत ९ महिने ते ५ वर्ष वयाच्या ६४०६ बालकांचे उद्दिष्ट नजरेसमोर ठेवून ४३ बुथचे नियोजन करण्यात आलेले आहे.

मराठीतील सर्व नवी मुंबई ( Navimumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 09-12-2022 at 13:37 IST
Next Story
नवी मुंबई :वाशी फिडरमधील तांत्रिक बिघाडामुळे कोपरखैरणेतील अनेक भागात अंधार; दोन तासांनी वीजपुरवठा सुरळीत