Premium

टंचाईमुक्तीसाठी पाण्याची देवाणघेवाण; मोरबेचे पाणी कळंबोली, कामोठेला तर हेटवणेचे पाणी नवी मुंबईला देण्याचे नियोजन

पाणीपुरवठ्यावरून प्रशासन व राजकीय नेत्यांमध्ये कलगीतुरा रंगला असताना शहराच्या काही भागांत जाणवणाऱ्या पाणी तुटवड्याबाबत पालिकेने नियोजन केले आहे.

morbe dam water to kalamboli and kamothe news in marathi, morbe dam news in marathi
टंचाईमुक्तीसाठी पाण्याची देवाणघेवाण; मोरबेचे पाणी कळंबोली, कामोठेला तर हेटवणेचे पाणी नवी मुंबईला देण्याचे नियोजन (संग्रहित छायाचित्र)

नवी मुंबई : नवी मुंबई शहरातील पाणीपुरवठ्यावरून प्रशासन व राजकीय नेत्यांमध्ये कलगीतुरा रंगला असताना शहराच्या काही भागांत जाणवणाऱ्या पाणी तुटवड्याबाबत पालिकेने नियोजन केले आहे. सुयोग्य पाणीपुरवठ्यासाठी नवी मुंबई महापालिकेने सिडकोबरोबर १५ एमएलडी पाण्याच्या देवाणघेवाणीतून नियोजन सुरू केले आहे. त्यामुळे आगामी काळात सिडको व नवी मुंबई महापालिका पाण्याच्या आदानप्रदानातून शहरातील काही भागातील पाण्याची ओरड थांबण्याची शक्यता आहे. त्यासाठी मोरबेतील पाणी कळंबोली व कामोठेला तर हेटवणेचे पाणी नेरुळ एमबीआरमधून शहराला देण्याचे पालिकेचे नियोजनाचा प्रस्ताव आहे.

या बातमीसह सर्व प्रीमियम कंटेंट वाचण्यासाठी साइन-इन करा

स्वत:च्या मालकीचे मोरबे धरण असूनही शहराच्या काही भागांत कमी अधिक पाणीपुरवठ्यामुळे पाणी समस्येला जावे लागते. मोरबे धरण यावर्षी २४ सप्टेंबरला १०० टक्के भरले व धरणातून १९.०८७ क्युबिक मीटर पाण्याचा विसर्गही करण्यात आला. धरणात पाणी परंतू पालिका क्षेत्रातील काही भागांत सातत्याने कमी-अधिक प्रमाणात पाण्याची ओरड सुरू असल्याने पालिकेने सिडकोकडून पाण्याचे देवाणघेवाण नियोजन करण्यात आले आहे. नवी मुंबई महापालिकेच्या मोरबे धरणातून दिवसाला जवळजवळ ५०० एमएलडी पाणी उचलले जाते. परंतू यातील काही पाणी एमआयडीसीभागाला तर काही पाणी सिडको विभागाला व इतर पाणी नवी मुंबईकरांना पुरवले जाते.

हेही वाचा : उरण : जासईच्या शेतकऱ्यांना साडेबारा टक्के भूखंडाच्या इरादापत्राचे वाटप, गव्हाण स्थानकांच्या कामाचा मार्ग मोकळा

पालिकेला सिडकोकडून नियमानुसार आवश्यक असलेले ८० एमएलडी पाणी मिळत नसल्याने पालिकेला बेलापूर ते दिघा या सर्वच विभागांना योग्य दाबाने पाणीपुरवठा करताना विविध भागात ओरड सुरू होते. त्यामुळे पालिकेने मोरबे धरणातून येणाऱ्या पाण्यापैकी १५ एमएलडी पाणी कामोठे, कळंबोली या सिडको विभागाला देऊन त्याच्या मोबदल्यात सिडकोकडून हेटवणे धरणातून पालिका मुख्यालयासमोरून येणारे पाणी नेरुळ एमबीआर येथे घ्यायचे व त्या ठिकाणाहून पाणीतुटवडा जाणवत असेल त्या भागात देण्याचे पालिकेने नियोजन केले आहे. त्यामुळे या मोरबे व हेटवणे धरणातून येणाऱ्या पाण्यातील १५ एमएलडी पाण्याची देवाणघेवाण करून पाणी समस्या दूर करण्याचा पालिकेचा प्रयत्न आहे.

हेही वाचा : उरण – खारकोपर रेल्वे मार्गाच्या विलंबाविरोधात काँग्रेसचे गाजर दाखवा आंदोलन

मोरबे धरणापासून येणारे पाणी कळंबोली व कामोठेला दिल्यास हेटवणे धरणातून येणारे सिडकोचे पाणी नेरुळ एमबीआरमध्ये आणल्यास त्याचा पालिकेला उपयोग होणार असून नागरीकांना अधिक सुयोग्यरित्या पाणी देण्यात येईल असे पालिका प्रशासनाचे मत असून वरिष्ठ पातळीवर याबाबत निर्णय येणार आहे. याबाबत सिडकोचे पाणीपुरवठा विभागाचे अधिकारी प्रवीण मुळे यांना विचारणा केली असता याबाबत वरिष्ठ पातळीवर निर्णय घेण्यात येईल असे सांगितले.

मोरबे धरणातील सध्याची पाणीस्थिती

२०२३— २४

धरणात पडलेला पाऊस ३७७०.४० मि.मी.

धरण पातळी ८४.४४ मीटर

धरणातील जलसाठा ८२.५० टक्के

“नवी मुंबई शहरात पाण्याचे योग्य नियोजन करण्यात आले आहे. मोरबे धरणाचे १५ एमएलडी पाणी सिडकोच्या कामोठे व कळंबोली नोडला देऊन त्यांच्या हेटवणे येथील धरणातून येणारे पाणी पालिकेकडे घेतल्यास नेरुळपासून ऐरोली दिघापर्यंत अधिक दाबाने पाणी देण्याचे नियोजन आहे. सिडकोच्या अधिकाऱ्यांकडे हा प्रस्ताव मांडला असून याबाबत सकारात्मक प्रतिसाद मिळेल” – राजेश नार्वेकर, आयुक्त, नवी मुंबई महापालिका

कधीपर्यंत पुरेल इतका पाणीसाठा : २८ ऑगस्ट २०२४ पर्यंत

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Navi mumbai water management morbe dam water to kalamboli kamothe and hetawane dam water to navi mumbai css

First published on: 08-12-2023 at 11:22 IST

आजचा ई-पेपर : नवी मुंबई

वाचा