लोकसत्ता टीम नवी मुंबई: नवी मुंबई महानगरपालिकेच्या भोकरपाडा जलशुद्धीकरण केंद्र, व मोरबे धरण ते दिघा मुख्य जलवाहिनीवर देखभाल दुरुस्तीची व इतर आवश्यक कामे करण्यात येणार आहेत. त्या अनुषंगाने बुधवार दिनांक ०७ जून २०२३ रोजी सकाळी १० ते रात्री १० वाजेपर्यंत भोकरपाडा जलशुद्धीकरण केंद्र येथील पाणी पुरवठा १२ तास बंद ठेवण्यात येणार आहे. त्यामुळे बुधवारी दिवसभर १२ तास नवी मुंबई महानगरपालिका क्षेत्रातील पाणी पुरवठा बंद राहील. तसेच गुरूवार दिनांक ८ जून २०२३ रोजी शहरात सकाळचा पाणी पुरवठा कमी दाबाने होईल. त्याअनुषंगाने नवी मुंबई महानगरपालिका क्षेत्रातील नागरीकांनी या कालावधीत पाण्याचा जपून व काटकसरीने वापर करून नवी मुंबई महानगरपालिकेस सहकार्य करावे असे आवाहन कार्यकारी अभियंता,पाणी पुरवठा नवी मुंबई महानगर पालिका यांच्या कडून करण्यात आले आहे.
