एसआयआर अर्जांचा गठ्ठा झेरॉक्स दूकानात सापडल्याने खारघरमध्ये खळबळ; राजकीय आरोप-प्रत्यारोप, सरकारी प्रशासनाचे स्पष्टीकरण

तर याबाबत भारतीय जनता पक्षाचा कोणताही संबंध नसल्याचा दावा पनवेलचे महापौर नितीन पाटील यांनी केला आहे.   देशभरात मतदार याद्यांचे एसआयआर सुरू असून पनवेल विधानसभा मतदारसंघात ६ लाख ८४ हजार मतदारांपैकी सुमारे ४ लाख ३९५ मतदारांचे एसआयआर पूर्ण झाले आहे. सुमारे २ लाख ८३ हजार मतदारांचा अद्याप शोध लागलेला नाही. महसूल विभागामार्फत ही प्रक्रिया सुरू असून, एसआयआरनुसार प्रारूप मतदारयादी अद्याप प्रसिद्ध झालेली नाही. शिवसेना ठाकरे गटाचे पदाधिकारी बालेश भोजने यांनी खारघर सेक्टर १९ मध्ये पनवेल विधानसभा मतदारसंघातील भाग क्रमांक १४९ तसेच अन्य भागांच्या एसआयआर अर्जांच्या झेरॉक्स काढल्या जात असल्याचा आरोप केला आहे.

हे शासकीय कागदपत्र असताना ते भारतीय जनता पक्षाच्या युवा मोर्चाच्या पदाधिकाऱ्यांकडे कसे आले, असा सवाल त्यांनी केला. याची माहिती मिळाल्यानंतर पोलिसांना घटनास्थळी बोलावण्यात आल्याचे भोजने यांनी सांगितले. या वेळी भाजप युवा मोर्चाच्या पदाधिकाऱ्यांकडून शिवीगाळ, दमदाटी आणि धक्काबुक्की करण्यात आल्याचा तसेच मारहाणीची धमकी दिल्याचा आरोप भोजने यांनी केला आहे. पोलिसांनी एसआयआर अर्ज ताब्यात घेत संबंधित कार्यकर्त्याला कारमध्ये बसविले. त्यानंतर खारघर पोलीस ठाण्याच्या आवारातून तो पळून गेल्याचा दावाही भोजने यांनी केला.
एसआयआर अर्ज बीएलओंना प्रत्यक्ष पडताळणीच्या कामासाठी आवश्यक आहेत. सध्या या अर्जांमुळे मतदारसंख्येत कोणतीही वाढ होणार नसल्याचे चांडक यांनी स्पष्ट केले. ३१ ऑगस्टनंतर प्रारूप मतदारयादी प्रसिद्ध करण्यात येणार असल्याचेही त्यांनी सांगितले. 

या प्रकरणाशी भारतीय जनता पक्षाच्या कार्यकर्त्यांचा काडीचाही संबंध नाही. विरोधी पक्ष नेहमीप्रमाणे आरोप करत राहतात. सर्वच राजकीय पक्षांनी एसआयआर मोहीमेत मदत केली आहे. मतदार नोंदणीची माहिती सर्वच राजकीय पक्षांकडे उपलब्ध आहे. सध्या काही मतदानाची वेळ नाही. त्यामुळे हे अर्ज प्रत्यक्ष पडताळणीसाठी बीएलओंना लागणार आहेत. – नितीन पाटील, महापौर, पनवेल महापालिका