person who selling country liquor door to door in uran panvel arrest by police zws 70 | Loksatta

भाजी, फळे,भांडी फिरून विकणारे सर्वांनाच माहिती आहेत , आता तर दारूही फिरून विकणारे मिळताहेत वाचा काय आहे किस्सा

मद्य विकणाऱ्या एका व्यक्तीला पोलिसांनी पकडले असून त्याच्या कडून २१ देशी दारूच्या बाटल्याही जप्त केल्या आहेत.

भाजी, फळे,भांडी फिरून विकणारे सर्वांनाच माहिती आहेत , आता तर दारूही फिरून विकणारे मिळताहेत वाचा काय आहे किस्सा
(संग्रहित छायाचित्र)

नवी मुंबई : भाजी फळे अगदी छोट्या गावात तालुक्यात दही सुद्धा  फिरून विकणारे फेरीवाली सर्वत्र आढळून येतात.एवढेच काय  कपड्यावर भांडी विकणारी भोवारीण आजही ग्रामीण भागात आढळून येते. मात्र उरण पनवेल परिसरात अशाच पद्धतीने मद्य विकले जाते.वाचून आश्चर्य वाटले ना? पण हे सत्य आहे असाच फिरून मद्य विकणाऱ्या एका व्यक्तीला पोलिसांनी पकडले असून त्याच्या कडून २१ देशी दारूच्या बाटल्याही जप्त केल्या आहेत.

किशन  भिमलाल नायक असे आरोपीचे नाव आहे. जेएनपीटी बंदरामुळे  उरण परिसर भागात रोज हजारो ट्रक कंटेनरची ये जा होत असते. पूर्ण भारतातून येणाऱ्या या ट्रकचालक मदतनीस यांना दारू पिण्याची हुक्की येते मात्र कुठे मिळेल हे माहिती नसते. अशात ट्रक वा कंटेनर सोडून जाणेही अनेकदा शक्य होत नाही. नेमकी हीच गरज ओळखून दारू विकणाऱ्या  फिरस्तीचा धंदा तेजीत चालतो. ज्यांना दारू हवी असे लोक आणि जे दारू विकतात हे दोन्ही घटक बरोब्बर एकमेकांना ओळखतात आणि दोघांचीही गरज पूर्ण होते. अशाच पद्धतीने नायक हा दारू विकत होता. त्याच्या बाबत न्हावा पोलीस ठाण्यातील हवालदार राजेंद्र बोराटे यांना माहिती मिळाली. बोराटे यांनी पोलिसी पद्धतीने त्याचा ठाव ठिकाणा शोधला. नायकला बोराटे यांनी स्कँनिंग रोड वरील एका हॉटेल परिसरात शोधून काढत पकडले व थेट पोलीस ठाण्यात आणले. त्याची अंगझडती घेतली असता संत्रा, जीएम. बडीसोप अशा देशी दारूच्या २१ बाटल्या आढळून आल्या. हा सातशे पस्तीस रुपयांचा माल पोलिसांनी जप्त केला असून त्याच्या विरोधात बेकायदा दारू विक्री प्रकरणी गुन्हा दाखल करण्यात आला.

मराठीतील सर्व नवी मुंबई ( Navimumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
नवी मुंबई, उरण -पनवेलला जोडणाऱ्या गव्हाण उड्डाणपूल अंधारात

संबंधित बातम्या

सायन पनवेल महामार्गावरील नवी मुंबई महापालिका हद्दीत एलईडीचा प्रकाश ; लवकरच देखभाल दुरुस्तीच्या कामाचा श्रीगणेशा
आरटीओची सात दिवसांत २२२ वाहनांवर कारवाई; नियमबाह्य वाहतूक करणाऱ्या वाहनांवर करडी नजर
नवी मुंबईत रिक्षांच्या रांगा, मीटर प्रमाणीकरणासाठी प्रतिक्षा
उरण मधील आदिवासीना जातीचे दाखले; उरण सामाजिक संस्थेचा उपक्रम
नेरुळमध्ये शिवाजी चौकाचा कायापालट; सिंहासनारुढ शिवरायांच्या पुतळ्याचे आकर्षण…

व्हिडिओ

ताज्या बातम्या
Gujarat Election Phase 2 : गुजरातमध्ये आज दुसऱ्या टप्प्याचे मतदान; पंतप्रधान मोदी अहमदाबादमध्ये बजावणार मतदानाचा अधिकार
लैंगिक समस्या प्रश्नोत्तरे : मासिक पाळी बंद होण्याचा काळ कोणता?
“‘अरे’ ला ‘कारे’ करण्याची हिंमत असती तर भाजपावाल्यांनी…”; शिवसेनेचा BJP सहीत CM शिंदेंवर हल्लाबोल
मुंबई: शिवरायांच्या जन्मस्थळाबाबत भाजप आमदाराचे अज्ञान; विरोधी पक्ष आक्रमक झाल्याने दिलगिरी
मुंबई: राज्य औषध व्यवसाय परिषदेला राजकीय कुरघोडीची बाधा