पनवेल : पुणे येथील अपघात प्रकरणानंतर सर्वत्र लेडीज सर्व्हीसबारची झाडाझडती घेण्याचे काम पोलीस आणि राज्य उत्पादन शुल्क विभागाकडून सुरू झाले आहे. परंतू अनेक दिवस उलटले तरी पनवेलमधील ऑक्रेस्ट्रा बारच्या नावाखाली डान्सबार चालविणाऱ्यांकडे सरकारी यंत्रणेने लक्ष्य केंद्रीत केले नव्हते.

समाजमाध्यमांवर काहींनी सरकारी अधिकाऱ्यांच्या कार्यतत्परतेवर प्रश्न उपस्थित केल्यावर खांदेश्वर पोलिसांनी गुरुवारी आसूडगाव येथील ‘इंटरनेट’ या लेडीज सर्व्हीस बारवर मध्यरात्री सव्वा एक वाजण्याच्या सुमारास धाड टाकून १२ महिला वेटरांना अश्लील चाळे करताना ताब्यात घेतले. एकाच बारच्या परवान्याखाली अनेक गैरधंदे येथे चालविले जात असल्याचा आरोप स्थानिक रहिवाशांकडून केला जात आहे. पनवेलमधील आसूडगाव परिसरातील सेक्टर ४ ए येथील तपोवन इमारतीमध्ये ‘इंटरनेट’ नावाचा बार सुरू आहे. यशवंतराव चव्हाण पुणे मुंबई द्रुतगती महामार्गालगत कळंबोली सर्कलच्या हाकेच्या अंतरावर हा बार रात्रभर सुरु असल्याने स्थानिक रहिवाशी वैतागले आहेत. इंटरनेट बारवर यापूर्वी ही नवी मुंबई पोलीसांनी धाड टाकली होती. या बारचे मालक, व्यवस्थापक परवान्यातील अटी पाळत नसल्याचे याअगोदर सुद्धा सिद्ध झाले आहे.

current gst rate for pvs outdated needs a relook says jsw mg motor india ceo
प्रवासी वाहनांवरील ‘जीएसटी’चा पुनर्विचार करा; जेएसडब्ल्यू एमजी मोटार इंडियाच्या प्रमुखांची मागणी
Anant Radhika Wedding
अंबानींच्या लग्नात बॉम्बस्फोट होणार असल्याची धमकी दिल्याप्रकरणी अभियंत्याला अटक, मुंबई पोलिसांची कारवाई
Young Woman Drowns at Marine Drive, Young Woman Suspected Suicide Marine Drive, Police Investigate, marine drive, Mumbai news
मरीन ड्राईव्ह येथील समुद्रात तरूणीची आत्महत्या
Ambani wedding, ambani son wedding,
अंबानींच्या लग्नात बॉम्ब ठेवल्याच्या सोशल मीडियावरील पोस्टने यंत्रणा सतर्क
india Post scam
भारतीय पोस्ट खात्याच्या नावे लोकांची आर्थिक फसवणूक; काय आहे हा घोटाळा? कशी टाळता येईल फसवणूक?
Pune Satara Highway, Pune Satara Highway Toll Collection Rules, Pune Satara Highway Toll Collection Rules Clarified No Extension, No Extension Granted Beyond 2023, pune, satara, pune news, road news, toll news, Ravindra Chavan
पुणे-सातारा महामार्गावर टोल वसुलीसाठी मुदतवाढ नाही, सार्वजनिक बांधकाम मंत्री चव्हाण यांची स्पष्टोक्ती
Viral VIDEO: Man Slaps & Kicks Thief Caught Stealing Purse Inside Delhi Metro
VIDEO: “मी मरेन काका, मला जाऊ द्या” दिल्ली मेट्रोमध्ये चोराला रंगेहात पकडलं; त्यानंतर काय घडलं पाहाच
nagpur dikshamubhi underground parking issue
दीक्षाभूमीतील भूमिगत पार्किंगचा मुद्दा : नागरिकांनी तोडफोड केल्यानंतर पार्किंगच्या बांधकामाला स्थगिती; देवेंद्र फडणवीसांची घोषणा!

हेही वाचा…आपत्ती व्यवस्थापनासाठी पनवेल पालिका सज्ज

नवी मुंबई पोलीस आयुक्त मिलिंद भारंबे यांनी दिलेल्या खास सुचनेनंतर गुरुवारी रात्री स्थानिक पोलीसांनी पुन्हा एकदा बारमध्ये धाड टाकल्यानंतर तेथील महिला वेटर अश्लिल चाळे करताना पोलिसांच्या निदर्शनास आले. मागील अनेक दिवसांपासून नवी मुंबईचे पोलीस आयुक्त मिलिंद भारंबे यांचे खास पथक या बारवर कारवाई करेल अशी अपेक्षा होती. परंतू गुरुवारची कारवाई अनेक दिवसानंतर झाल्याने आश्चर्य व्यक्त केले जात आहे. 

नवी मुंबईपेक्षा पनवेलमध्ये लेडीज सर्व्हीस बारची संख्या कमी आहे. मात्र मुंबई पुणे द्रुतगती महामार्गालगत आणि अटलसेतू पासून काही अंतरावर कोन गावाजवळ अनेक लेडीज सर्व्हीस बार एकाच ठिकाणी आहेत. येथील लेडीजबार मध्यरात्रीनंतर उशीरा सुरू असतात. त्यामुळे पुण्यावरुन येणाऱ्या गिऱ्हाईकांना पहाटेपर्यंत बारमधील महिलांचे नृत्य पाहून आणि मद्याचा आनंद घेऊन पहाटे मद्याच्या धुंदीत पुण्याला जाता येते. महामार्गावर त्यावेळे मद्यपी वाहनचालक तपासणारी यंत्रणा नसल्याने मद्यपी चालकांचे फावते. त्यामुळे प्रत्यक्ष व अप्रत्यक्ष स्थानिक पोलीसांचा या बारसंस्कृतीला आशीर्वाद मिळत आहे.

हेही वाचा…सिडकोच्या तळोजातील महागृहनिर्माणात मजूर ठार

मागील अनेक वर्षे याच लेडीज सर्व्हीसबार संस्कृतीमुळे पनवेल बदनाम झाले आहे. नवी मुंबईचे पोलीस आयुक्त भारंबे यांच्या कारकिर्दीत परवाने धारक लेडीजसर्व्हीसबारमध्ये सुरू असणारे डान्सबार, कुंटणखाने बंद होतील अशी अपेक्षा होती. परंतू तसे झाले नाही. रायगड जिल्हाधिकाऱ्यांनी पुणे येथील अपघात प्रकरणानंतर पनवेलच्या डान्सबारमधील झाडाझडती घेण्याचे धाडस न दाखविल्याने पनवेलमध्ये ‘सर्व काही चालते’, याच पायंड्याने सरकारी अधिकाऱ्यांच्या स्तरावर यंत्रणेचा कारभार सुरू असल्याचे दिसले.