नवी मुंबई : सानपाडा येथे खाद्य दुकानात स्फोट ! दोन जण गंभीर जखमी, समोरच्या इमारतीतील रुग्णालयाच्या काचाही फुटल्या

या ठिकाणी झालेल्या स्फोटाची तीव्रता मोठी असल्याने याच इमारतीच्या समोरील रुग्णालयाच्या काचाही फुटल्या असल्याची माहिती अग्निशमन विभागाने दिलेली आहे. गंभीर जखमी झालेल्या अरुण यादव ( वय २६) व अर्जुन यादव ( वय ४६) हे गंभीर जखमी झाले असून त्यांना महापालिकेच्या वाशी रुग्णालयात उपचारासाठी दाखल करण्यात आले आहे.

सानपाडा येथील प्रतीक या व्यावसायिक इमारतीमधील दुकानांमध्ये सिलेंडरचा स्फोट झाल्याचे बोलले जात आहे. परंतु खाद्य दुकानात असलेले ३ सिलेंडर सुस्थितीत असल्याचे दिसत आहेत .यात दोन जण गंभीर जखमी झाले असून त्यांना नवी मुंबई महापालिकेच्या वाशी रुग्णालयात उपचारासाठी दाखल करण्यात आलेले आहेत. त्यामुळे नक्की हा प्रकार कशामुळे झाला याबाबत पोलीस विभाग अधिक माहिती घेत आहेत . – पुरुषोत्तम जाधव, अग्निशमन विभाग अधिकारी वाशी