एपीएमसीत स्ट्रॉबेरीचे दर आवाक्यात

एपीएमसीतील फळ बाजारात महाबळेश्वर, वाई, सातारा आणि नाशिक परिसरातून मोठ्या प्रमाणावर स्ट्रॉबेरीची आवक होत आहे. हंगामाच्या सुरुवातील घाऊक बाजारात ३५० ते ५०० रुपये किलोने विकली जाणारी स्ट्रॉबेरी सध्या २०० ते २५० रुपये किलोने विकली जात आहे. मागील काही आठवड्यांच्या तुलनेत आवक वाढल्याने दरात फारसा चढउतार झालेला नाही. दर्जा, आकार आणि ताजेपणानुसार दर ठरत असले, तरी मध्यम प्रतीच्या स्ट्रॉबेरीचे दर स्थिर असल्याचे व्यापाऱ्यांचे म्हणणे आहे.

शेतकऱ्यांच्या मते ऑक्टोबर महिन्यातील पावसामुळे स्ट्रॉबेरी पिकावर काहीसा परिणाम झाला होता. मात्र, नाशिक भागातील शेतकऱ्यांनी केलेल्या यशस्वी प्रयोगामुळे स्ट्रॉबेरी उत्पादन टिकून राहिले आहे. यामुळे बाजारात पुरवठा सुरळीत राहिला.