scorecardresearch

नवी मुंबई : माजी खासदार राजू शेट्टी यांनी जाणून घेतल्या एपीएमसीतील बाजारातील व्यापाऱ्यांच्या समस्या

मुंबई कृषी उत्पन्न बाजार समिती ही आशिया खंडातील सर्वात मोठी बाजार पेठ आहे. राजू शेट्टींनी या बाजार समितीला भेट देत पाहणी दौरा केला.

नवी मुंबई : माजी खासदार राजू शेट्टी यांनी जाणून घेतल्या एपीएमसीतील बाजारातील व्यापाऱ्यांच्या समस्या
माजी खासदार राजू शेट्टी यांची मुंबई कृषी उत्पन्न बाजार समितीला भेट

स्वाभिमानी शेतकरी संघटनेचे अध्यक्ष राजू शेट्टी यांनी शनिवारी मुंबई कृषी उत्पन्न बाजार समितीतील भाजीपाला बाजारातील व्यापारी आणि या बाजारात शेतमाल घेऊन आलेल्या शेतकऱ्यांच्या समस्या जाणून घेतल्या. ते एका खाजगी कार्यक्रमासाठी नवी मुंबईत आले असता त्यांनी बाजार समितिला भेट देत पाहणी दौरा केला. यावेळी व्यापारी आणि बाजार घटकांनी बाजारातील समस्या राजू शेट्टींसमोर मांडल्या.

हेही वाचा- नवी मुंबई : पनवेल पालिकेच्या ५० कोटी रुपये खर्चाच्या मलनिस्सारण प्रकल्पास सरकारची मंजूरी

मुंबई कृषी उत्पन्न बाजार समिती ही आशिया खंडातील सर्वात मोठी बाजार पेठ आहे. परंतु आज ही या आधुनिक युगात बाजार समिती मूलभूत सेवा सुविधा पुरवण्यात कमी पडत आहे. बाजार समितीत नित्यनेमाने हजारो वाहनातून शेतमाल दाखक होतो. परंतु एवढ्या मोठ्या प्रमाणावर येणाऱ्या वाहनांना आज पार्किंग व्यवस्था नाही. एक ट्रक टर्मिनस होता त्या जागेत ही सिडकोच्यावतीने गृहसंकुल उभारण्यात येत आहे. बाजारात येणाऱ्या वाहनांसाठी पार्किंग व्यवस्था नाही. त्यामुळे बाजार आवाराच्या बाहेर उभ्या असलेल्या वाहनांना बेकायदा पार्किंग कारवाई होतात. बाहेर उभ्या वाहनांमधून शेतमाल चोरीला जाणे, बाजार आवारात स्वच्छतेचा अभाव तसेच शेतकऱ्यांना शेतमालाचे पैसे वेळेवर न मिळणे आदी समस्या व्यापारी आणि शेतकऱ्यांनी राजू शेट्टी यांच्या समोर मांडल्या. या मांडलेल्या समस्या बाजार समिती तसेच शासन दरबारी मांडून त्या सोडवण्यासाठी पाठपुरावा करणार असल्याचे आश्वासन यावेळी राजू शेट्टी यांनी व्यापारी आणि शेतकऱ्यांना दिले.

मराठीतील सर्व नवी मुंबई ( Navimumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 10-12-2022 at 17:58 IST

संबंधित बातम्या