The husband was brutally beaten up after asking the person who had sent obscene messages to his wife in panvel | Loksatta

पत्नीला अश्लील मेसेज करणाऱ्याला जाब विचारल्यावर पतीला झाली बेदम मारहाण

दाम्पत्यांनी आरोपीविरोधात पोलीस स्थानकात तक्रार नोंदवली होती.

पत्नीला अश्लील मेसेज करणाऱ्याला जाब विचारल्यावर पतीला झाली बेदम मारहाण
पत्नीला अश्लील मेसेज करणाऱ्याला जाब विचारल्यावर पतीला झाली बेदम मारहाण

पत्नीला इन्स्टाग्रामवर मेसेज करणा-याला जाब विचारायला गेल्यावर पतीलाच बांबूचे फटके खावे लागले. नवीन पनवेल वसाहतीमधील गणेश मार्केट परिसरात ही घटना शनिवारी सायंकाळी साडेसात वाजता घडली. विशेष म्हणजे या घटनेत पतीला वाचविण्यासाठी त्याचा मित्र तेथे धावून गेला त्याला मारेक-यांनी सळईने मारहाण केली. खांदेश्वर पोलीस ठाण्यात याबाबत शनिवारी मध्यरात्री गुन्हा नोंदविण्यात आला असून आतापर्यंत मारेकरी फरार आहेत.

हेही वाचा- पनवेल : स्वसूरक्षेसाठी पनवेलमधील व्यापा-यांनी ३२ सीसीटिव्ही कॅमेरे बसविण्याचा निर्णय घेतला

पोलिसांमध्ये तक्रार दाखल

समाजमाध्यमांवर महिलांना लघुसंदेश पाठविण्याचे अनेक किस्से घडतात. नवीन पनवेल येथील विकी नरसिंगे हा एका महिलेला इन्स्टाग्रामवर लघुसंदेश पाठवित होता. घरात सांगितल्यावर तंटा नको म्हणून महिलेने स्वत: विकीला जाब विचारला. त्यानंतर ही बाब पतीला सुद्धा सांगीतली. यापू़ढे विकी संदेश पाठविणार नाही असे या पीडीत दाम्पत्याला वाटले होते. परंतू उलट लघुसंदेश पाठविणारा विकी त्या दाम्पत्याला दमदाटी करु लागला. अखेर या दाम्पत्याने पोलीसांत जाण्याचा निर्णय घेतला. ठरल्याप्रमाणे खांदेश्वर पोलीस ठाण्यात संबंधित तरुण दमदाटी करत असल्याची तक्रार नोंदविण्यात आली. पोलिसांनी सुद्धा यापुढे तो तरुण त्रास देणार नाही असा धीर पीडीत दाम्पत्याला दिला.

हेही वाचा- उरणमध्ये घुमणार रास दांडियाचा आवाज; नवरात्रोत्सवानिमित्त जागरणाचे आयोजन

मेसेज का पाठवला विचारणाऱ्या पतीलाच मारहाण

मात्र, पोलीस ठाण्यात तक्रार नोंदविल्याचे कळाल्यावर विकी व त्याचा भाऊ बंटी याने त्यांच्या अजून चार मित्रांना घेवून त्या महिलेच्या पतीलाच बांबूने मारहाण केली. लोखंडी सळईने सुद्धा त्या पतीला मारण्यात आले. यादरम्यान त्या पतीचा मित्र तेथे मारहाण रोखण्यासाठी गेला मारेक-यांनी त्यालाही बेदम मारहाण केली. सोमवार उजाडला तरी खांदेश्वर पोलीस या प्रकरणातील मारेक-यांचा शोध घेऊ शकले नाहीत.

मराठीतील सर्व नवी मुंबई ( Navimumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पनवेल : स्वसूरक्षेसाठी पनवेलमधील व्यापा-यांनी ३२ सीसीटिव्ही कॅमेरे बसविण्याचा निर्णय घेतला

संबंधित बातम्या

हॉटेलमालकांची पनवेल पालिकेत धाव
नवी मुंबई ते अलिबाग अंतर केवळ सव्वा तासात, बेलापूर ते मांढवा वॉटर टॅक्सी सेवा आजपासून सुरू

व्हिडिओ

ताज्या बातम्या
राष्ट्रवादी काँग्रेसच्या आजी-माजी आमदारांचा छत्रपती संभाजीराजेंच्या समाधिस्थानी आत्मक्लेश
Delhi Riots 2020 : दिल्ली दंगल खटल्यात उमर खालिद आणि खालिद सैफीची निर्दोष मुक्तता
विश्लेषण : चीनने ‘शून्य कोविड धोरण’ शिथिल केल्यास काय होणार?
नाद कुणाचा करायचा! टायगर शार्कचा व्हिडीओ काढायला गेला अन् होत्याचं नव्हतं झालं, पाण्यातील थरारक Viral Video पाहाच
मधुमेहाच्या रुग्णांनी रोज ‘हे’ पदार्थ खाण्यास सुरुवात करा; रक्तातील साखरेची समस्या कायमची दूर होईल