नवी मुंबई : पामबीच मार्गाच्या घणसोली ते ऐरोली विस्तारीकरण प्रकल्पासाठी पालिकेने मागवलेल्या निविदा प्रक्रियेत ५१५ कोटींची निविदा प्राप्त झाल्याने हा प्रकल्प दृष्टिपथात आला आहे. पालिकेच्या अर्थसंकल्पातही या प्रकल्पासाठी तरतूद करण्यात येणार आहे. महापालिकेकडे या प्रकल्पासाठी निविदा प्राप्त झाल्या असून जवळजवळ ५४० कोटींचा खर्च या प्रकल्पासाठी येणार असून त्यासाठी सिडको २७० कोटी रुपये देणार असल्याची माहिती पालिकेच्या वरिष्ठ अधिकाऱ्यांनी दिली आहे.

नवी मुंबई महापालिकेने संबंधित प्रकल्पासाठी आवश्यक परवानग्या प्राप्त केल्या आहेत. ऐरोली-मुलुंड खाडी पुलापर्यंत रस्ता वाढवण्याचा निर्णय घेतला आहे. सुधारित आराखड्यामुळे रस्त्याची लांबी ३.४७ कि.मी.ने वाढणार आहे.तसेच याच मार्गावर १.९५ कि.मी.चा उड्डाणपूलही होणार आहे. सिडकोने बेलापूर ते ऐरोली सेक्टर १० ए पर्यंत २१.१२ कि.मी. लांबीचा पामबीच रस्ता प्रकल्प प्रस्तावित केला होता.

chandrachud (1)
“लैंगिक भेदभाव संपवा, स्त्रियाही खोल समुद्रात जाऊ शकतात”, कोस्ट गार्डप्रकरणी सुप्रिम कोर्टाने केंद्राला फटकारले
ambitious projects in Maharashtra
राज्यातील तीन महत्त्वाकांक्षी प्रकल्पांच्या कामास आचारसंहितेनंतरच सुरुवात? एप्रिलच्या पहिल्या आठवड्यात निविदा खुल्या होणार
Security guard assaulted at Nagpur metro station
नागपूरच्या मेट्रो स्थानकावर सुरक्षा रक्षकाला मारहाण, ‘हे’ आहे कारण
Why is the decision to beautify Siddhivinayak Mahalakshmi Mumbadevi temples with the funds of Brihanmumbai Municipal Corporation becoming controversial
उज्जैनच्या महाकाल मंदिराच्या धर्तीवर सिद्धिविनायक मंदिराचे सुशोभीकरण… पण मुंबई महापालिकेचा हा निर्णय वादात का?

हेही वाचा…अभियंत्यांची शैक्षणिक अर्हता तपासणी करा, नवी मुंबई महापालिकेतील अधिकाऱ्यांबाबत ‘अलर्ट सिटीझन फोरम’ची मागणी

बेलापूर ते घणसोली हा १९.२० कि.मी.चा रस्ता सिडकोने बांधला होता, परंतु उर्वरित दोन किलोमीटरचे काम खारफुटी क्षेत्र असल्याने रखडले होते. परंतु आता पामबीच मार्गाचे विस्तारीकरण होणार असल्याने मोठी वाहतूक सुविधा निर्माण होणार आहे. २००९ मध्ये सिडकोने अपूर्ण पामबीच रस्ता प्रकल्पासह घणसोली नोडही नवी मुंबई महापालिकेकडे हस्तांतरित केला होता.

नवी मुंबई महापालिकेने या महत्त्वपूर्ण प्रकल्पासाठी महाराष्ट्र कोस्टल झोन मॅनेजमेंट ऑथॉरिटी, वन विभाग, खारफुटी संवर्धन समिती, पर्यावरणसंबंधित प्राधिकरणांकडून आवश्यक परवानग्या मिळवल्या आहेत. केवळ मुंबई उच्च न्यायालयाची परवानगी प्रलंबित आहे. उर्वरित पामबीच विस्तारीकरणात रस्त्याचे बांधकाम ३.४७ किमीचे असून उड्डाणपूल हा १.९७ कि.मी.चा असल्याची माहिती या प्रकल्पाचे कार्यकारी अभियंता मनोहर सोनावणे यांनी दिली असून या प्रकल्पासाठी आता वेगाने काम कार्यवाही सुरू करण्यात आली आहे.

हेही वाचा…अटल सेतूवर एनएमएमटीची धाव; बसने मुंबई गाठता येणार, तिकीटदर अद्याप अनिश्चित

दळणवळण वेगवान

घणसोली-ऐरोली पामबीच विस्तारीकरण प्रकल्पामुळे नागरिकांना वाहतुकीची चांगली सुविधा मिळणार असून हा प्रकल्प ऐरोली-मुलुंड पूल आणि निर्माणाधीन ऐरोली-काटई मार्गाला जोडला जाणार आहे. त्यामुळे वाहनधारकांना कल्याण, बदलापूर, अंबरनाथ, मुरबाड आणि इतर भागात जाण्यासाठी वेगाने प्रवास करता येईल. याशिवाय, प्रस्तावित नवी मुंबई आंतरराष्ट्रीय विमानतळापर्यंत पोहोचण्यासाठी हा रस्ता उपयुक्त ठरणार आहे.

हेही वाचा…१७०० कोटी रुपयांचे देशातील सर्वात मोठे प्रशिक्षण केंद्र कळंबोलीत – उद्योगमंत्री उदय सामंत

या प्रकल्पासाठी मे. जयकुमार यांची ५१५ कोटीची निविदा प्राप्त झाली असून दर कमी करण्याबाबत प्रयत्न सुरू आहेत. पर्यावरणाबाबतची उच्च न्यायालयाची परवानगी मिळाल्यावर तात्काळ संबंधित प्रकल्पासाठी ठेकेदाराला कार्यादेश देण्यात येतील. – संजय देसाई, शहर अभियंता, नवी मुंबई महापालिका