नवी मुंबई: शालेय साहित्य साहित्य खरेदीसाठी आलेल्या एका अल्पवयीन मुलीसोबत गैरवर्तन दुकानदाराने केले. याबाबत तिने पालकांना सांगताच पालकांनी थेट पोलीस ठाण्यात धाव घेतली. पोलिसांनीही तात्काळ कारवाई करीत दुकानदारांना बाल लैंगिक अत्याचार प्रतिबंधक कायद्यांतर्गत अटक केली आहे.
तुर्भे येथे राहणारी एक अल्पवयीन विद्यार्थिनी शाळेने दिलेल्या प्रकल्पासाठी आवश्यक साहित्य खरेदी साठी तुर्भे सेक्टर-२२ येथील एका स्टेशनरी दुकानात गेली होती. त्या वेळी रमेश गाला हा दुकानात उपस्थित होता आणि त्याने विद्यार्थिनीला चुकीच्या उद्देशाने स्पर्श केला. विद्यार्थिनीने तिच्या कुटुंबीयांना या प्रकरणाची माहिती दिली, त्यानंतर तिच्या कुटुंबीयांनी एपीएमसी पोलिस ठाण्यात जाऊन तक्रार दाखल केली, त्यानुसार पोलिसांनी कलम विनयभंग आणि बाल लैंगिक अत्याचार प्रतिबंधक कायद्यांतर्गत गुन्हा नोंद करीत आरोपी गाला याला अटक करण्यात आली आहे. यापूर्वीही अन्य एका अल्पवयीन मुलीवर असेच कृत्य केल्याची तक्रार करण्यात आली होती. अशी माहिती गुन्हे शाखेचे पोलीस निरीक्षक सुधाकर दहाने यांनी दिली.
Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: The police arrested a man who committed obscene acts with a minor girl navi mumbai amy
