कामोठेत रस्त्यावर जेष्ठांची लुटमार; नऊ दिवसात वस्तू वाटपाचे आमिष आणि पोलीस असल्याची भिती दाखवून तीन जणांची लुटमार

२४ जुन आणि २५ जून या दिवसांमध्ये प्रत्येकी एक घटना घडली आहे. तसेच मंगळवारी (१ जुलै) दुपारी पावणे बारा ते बारा वाजण्याच्या सूमारास सेक्टर ११ येथील श्री कृष्णा अपार्टमेंटसमोरील रस्त्यावर मुलीकडे राहण्यासाठी आलेल्या एका ८० वर्षी वृद्धेला चोरट्यांनी रस्त्यात गाठले. या वृद्ध महिलेला शेजारी वस्तूंचे वाटप होत असल्याचे आमिष दाखवून त्यांची लुट केली. या लुटीमध्ये एक लाख रुपयांची गळ्यातील बोरमाळ आणि हातामधील पैशांचे पाकीट लुटले.

तसेच २४ जूनच्या घटनेत सायंकाळी पावणेपाच वाजता ५८ वर्षीय महिला भाजी खऱेदीसाठी सेक्टर ३५ येथील रस्त्यावरून पायी चालत होत्या. संशयीत चोरट्याने शेठला मुलगा झाल्याने रेशन मोफत वाटप होत असल्याचा बहाणा करुन या महिलेसोबत चोरटा बोलू लागला. रेशन मिळण्यासाठी अंगावरील सोन्याचे मंगळसूत्र आणि कानातले असे ९० हजार रुपयांचे दागीने काढून स्वताजवळील पिशवीत ठेवण्याचे सांगीतले. काही मिनिटांत शेटने अगोदर बिस्कीटांचे पुडे दिले असल्याचे सांगून पिडीत महिलेच्या हातामधील पिशवीतून हातचलाखीने दागीने काढून त्यामध्ये बिस्कीटचे पुडे ठेवले. यानंतर ते चोरटे चला चला म्हणत पुढे पळत जाऊन तेथून पळून गेले. 

हातचलाखीने पुडे काढून घेतले. दूस-या घटनेत २५ जुनला सकाळी साडेदहा वाजता ७५ वर्षांचे जेष्ठ नागरिक सेक्टर १८ येथे राहतात. घरासमोरील रस्त्यावर नालंदा सोसायटीसमोर पायी चालत असताना त्यांच्याजवळ अचानक दोन व्यक्ती आले. त्यापैकी एकाने स्वता पोलीस असल्याचे सांगून त्याचे ओळखपत्र जेष्ठ नागरिकाला दाखवले. गांजा विक्रीच्या प्रकरणात चौकशी करण्याच्या बहाण्याने या दुकलीने जेष्ठ नागरिकाचे अंगझडती घेतली. अंगावरील सोन्याचे दागीने खरे आहे का याची चौकशीसाठी दागीने काढून या जेष्ठ नागरिकांकडून मागीतल्यानंतर त्यांनी गळ्यातील चेन व अंगठी काढून त्यांच्याकडे सोपवली.

दागीने काही मिनिटे चोरट्यांनी स्वताकडे ठेऊन जेष्ठ नागरिकाला खिशात दागीने ठेवण्याच्या बहाण्याने हातचलाखीने दागीने घेऊन दुचाकीवर बसून तेथून पसार झाले. या प्रकरणी १ लाख ६८ हजार रुपयांचे दागीने चोरी झाल्याची तक्रार या जेष्ठ नागरिकाने कामोठे पोलिसांकडे केली.  पायी चालणा-या वयोवृद्धांना रस्त्यामध्ये अडवून त्यांची फसगत केल्याच्या तक्रारीनंतर नागरिकांना संबंधित चोरट्यांपासून सावधान करण्यासाठी कामोठे वसाहतीच्या मुख्य चौकांमध्ये संबंधित चोरट्यांचे छायाचित्र असलेले फलक उभारणार आहोत. जेष्ठांनी आमिषाला बळी पडू नये. नजीकच्या पोलीस चौकी किंवा पोलिसांना तातडीने संपर्क साधावा. विमल बिडवे, वरिष्ठ पोलीस निरिक्षक, कामोठे