उरण : येथील पर्यटन ठिकाण असलेल्या उरणच्या नागाव मधील पिरवाडी किनाऱ्यावर गुरुवारी गणपती, शिव आणि एक देवीची पाषाणाच्या मूर्ती आढळल्या आहेत. समुद्राच्या पाण्यात असलेल्या यामूर्ती येथील तरुणीनी समुद्रातून बाहेर काढून पुन्हा किनाऱ्यावर आणल्या आहेत. त्यामुळे भाविकांना आता पिरवाडी किनाऱ्यावर ही या मूर्तीचे दर्शन घेता येणार आहे. हेही वाचा >>> प्रवाशांचा रेल्वे रूळातून जीवघेणा प्रवास; ट्रान्स-हार्बरमार्गावर आतापर्यंत रेल्वे अपघातात १२३ जणांचा मृत्यू पिरवाडी हे उरण मधील पर्यटन स्थळ आहे. या किनाऱ्यावर सुट्टीच्या व इतर दिवशी मोठ्या संख्येने पर्यटक येत असतात. त्याचप्रमाणे स्थानिक नागरिकही या किनाऱ्यावर येतात. गुरुवारी काही तरुणांना समुद्राच्या किनाऱ्यावर या तीन मूर्ती आढळल्या त्यानंतर त्यांनी या मूर्ती समुद्रातून बाहेर काढून त्या किनाऱ्यावर आणल्या आहेत. मात्र या मूर्ती पूर्वी पासूनच पिरवाडी किनाऱ्यावर होत्या त्यांचे कोणीतरी समुद्रात विसर्जन केले असावे अशी माहिती येथील सागरी सुरक्षा रक्षकाचे काम करणाऱ्या रक्षकाने स्थानिक व्यवसायिकाने दिली. त्यामुळे संभ्रम निर्माण झाला आहे. मात्र या पाषाण मूर्ती किनाऱ्यावर कशा आल्या त्या केव्हाच्या व नक्की कोणाच्या आहेत.याचा तपास करण्याची गरज असल्याचे जाणकारांनी म्हटले आहे.