वाहतूककोंडीचा ताप; वाशी खाडीपुलापासून मानखुर्द जंक्शनपर्यंत सततची वाहतूककोंडी,  सलग सुट्ट्यांचा शीव-पनवेल महामार्गावर ताण

मुंबई महापालिकेकडून मानखुर्द सिग्लवर होणारा जक्काजाम रोखण्यासाठी घाटकोपर गोवंडीकडून येणारी वाहतूक मानखुर्द सिग्नलवर न उतरवता थेट उड्डाणपुलाच्या माध्यमातून शीव पनवेल हायवेवर नेण्यात येणार असल्याने तेथे काम सुरू आहे. तसेच वाशीकडून येणारी वाहतूक मानखुर्द सिग्नलवर न उड्डाणपुलाखालून न जाता नव्या उड्डाणपुलावरुन घाटकोपरकडे जाणाऱ्या उड्डाणपुलावर जोडली जाणार आहे. त्यामुळे या कामासाठी शीव-पनवेल महामार्गावरील दोन्ही दिशेकडील दोन दोन मार्गिका कमी केल्यामुळे बॉटलनेक तयार झाल्याने सततची वाहतूककोंडी होत आहे.

शीव पनवेल महामार्गावरील दोन्ही दिशेकडील प्रत्येकी २ दोन लेन कमी करण्यात आल्यामुळे बॉटलनेक तयार झाल्यामुळे वाहतूक कोंडी होत आहे. येथील काम पूर्ण होईपर्यंत वाहतूक कोंडीतून वाहने काढण्यासाठी दररोज शर्थीचे प्रयत्न करावे लागत आहेत.- मंगेश शिंदे, वरिष्ठ वाहतूक निरीक्षक, मानखुर्द वाहतूक चौकी

सलग सुट्ट्यांनंतर सोमवारी कार्यालयाकडे जाताना वाशी खाडी उड्डाणपुल ते मानखुर्दपर्यंत वाहतूककोंडीचा सामना करावा लागला. लवकरात लवकर हे काम पूर्ण करावे.- सागर रोकडे, वाहनचालक