उरण : शनिवारी सिडकोच्या हेटवणे जलवाहिनीला उरण पनवेल मार्गावरील बोकडवीरा गावाजवळ गळती लागली आहे. त्यामुळे या जलवाहिनीतून हजारो लिटर पाणी वाया चालले आहे.एकिकडे पाण्याचा साठा कमी झाल्याने पाणी कपात आणि दुष्कळाची स्थिती निर्माण झाली असतांना दुसरीकडे मात्र पाणीपुरवठा विभागाच्या दुर्लक्षामुळे गळती लागल्याने हजारो लिटर पाणी वाया चालले आहे. ही जलवाहिनीला लागलेली गळती त्वरित थांबविण्याची मागणी नागरीकांनी केली आहे.

या बातमीसह सर्व प्रीमियम कंटेंट वाचण्यासाठी साइन-इन करा

उरणच्या द्रोणागिरी नोड व येथील अनेक ग्रामपंचायतीना सिडकोच्या हेटवणे धरणातून पाणी पुरवठा केला जातो. त्याचप्रमाणे एमआयडीसीच्या रानसई धरणातील पाणी पातळी व साठवणूक क्षमता कमी झाल्याने याच धरणातील उसणे पाणी घेतले जाते. मात्र सिडको कडून एमआयडीसी ला मागणी पेक्षा कमी पाणी पुरवठा केला जात आहे. याच स्थितीत उरण मधील सिडकोच्या हेटवणे धरणाच्या जलवाहिनीला मोठी गळती लागली आहे. त्यामुळे जलवाहिनीतून हजारो लिटर पाणी वाया जात आहे.

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Water leakage uran during drought thousands liters of water was waste ysh
First published on: 03-06-2023 at 13:58 IST