नवी मुंबई महापालिकेने सुरूवातीपासूनच लसीकरणाच्या प्रत्येक टप्प्यावर योग्य नियोजन केल्यामुळे १८ वर्षावरील वयाच्या लसीकरणाचे पहिल्या व दुसऱ्या डोसचे १०० टक्के उद्दिष्ट गाठणारी नवी मुंबई महानगरपालिकाही राज्यातील पहिली महापालिका ठरली आहे.१६ मार्चपासून शहरातील १२ ते १४ वयोगटातील विद्यार्थ्यांच्या लसीकरणास प्रारंभ झाला त्याला मोठ्या प्रमाणात प्रतिसाद मिळाला. शहरातील नेरुळ,ऐरोली,वाशी,तुर्भे,तसेच कामगार विमा रुग्णालय येथील जम्बो सेंटर बरोबरच शहरातील २०८ शाळांमध्ये १२ ते १४ वयोगटातील लसीकऱणाचे पालिकेने नियोजन केले असून पालिकेला लहानमुलांच्या लसीकरणासाठी ९२८०० कोर्बेवॅक्स लसमात्रा मिळाल्या असून पालिकेने जवळजवळ ४७१४४ लसमात्रांचे लसीकरण केले आहे. दुसऱ्या लसमात्रेला मुलांचा प्रतिसाद वाढला असून पालिकेने दोन्ही लसमात्रांचे लवकरात लवकर लसीकरण करण्याचे लक्ष ठेवले आहे. हेही वाचा >>> नवी मुंबई : एपीएमसीतील ७ संचालकांच्या अपात्रेतेला मुख्यमंत्र्यांची स्थगिती शासनाच्या मार्गदर्शक सूचनांनुसार १५ ते १८ या वयोगटातील मुलांचे लसीकरण ३ जानेवारीपासून सुरू करण्यात आले होते.तर १२ ते १४ वयोगटातील लसीकरणाचा श्रीगणेशा मार्च महिन्यात करण्यात आला होता. ६० वर्षावरील सर्वांनाच वर्धक मात्राही दिली जात आहे.शासनाच्या कोविन पोर्टलवरही पालक आपल्या लाभार्थी विद्यार्थ्याच्या नावाची नोंद करून ठेवू शकतात. तसेच पालक आपल्या मुलांना थेट लसीकरण केंद्रावर जाऊन लस घेत आहेत. परंतू १२ ते १४ या वयोगटासाठी लस घेण्यासाठी पात्र असलेली मुले ही १५ मार्च २००८ ते १५ मार्च २०१० या दरम्यानच्या काळात जन्म झालेल्या सगळ्यांना लस दिली जात आहे. लसीकरणाव्दारे शहरातील लवकरात लवकर सर्वच नागरीक व मुलेही संरक्षित व्हावेत हा महानगरपालिकेचा प्रयत्न असून त्यादृष्टीने विद्यार्थी, पालकांच्या सोयीच्या दृष्टीने पालिकेने नियोजन केले आहे. १५ ते १८ वयोगटातील मुलांच्या लसीकरणाचे पालिकेने अत्यंत काटेकोरपणे पालन केल्यानंतर काही दिवसातच या वयोगटातील मुलांचे लसीकरण पूर्ण करण्यात आले होते. परंतू १२ ते १४ वयोगटातील मुलांचे पहिल्त्याया लसमात्रेचे १०० टक्के लसीकरण कधी होणार असा प्रश्न निर्माण झाला आहे. हेही वाचा >>> पनवेल : प्रियांका रावत खूनाप्रकरणी सहाजणांना अटक – पोलीस उपायुक्त शिवराज पाटील पालिका आयुक्तांच्या आदेशानुसार १२ ते १४ वयोगटातील लहान मुलांच्या लसीकरणासाठी पालिकेची सर्व रुग्णालये तसेच नागरी आरोग्यकेंद्र व २०८ शाळांमध्ये लसीकरणाचे नियोजन केले आहे. आतापर्यंत पहिल्या मात्रेचे चांगले लसीकरण झाले असून मागील दोन ते तीन दिवसापासून दुसऱ्या लसमात्रेलाही चांगला प्रतिसाद मिळत आहे.१२ ते १४ वयोगटातील पहिल्या लसीकरणाच्या मात्रेसाठी पालिकेने सुरवातीपासूनच प्रयत्न करण्यात आले असून या वयोगटातील ९९ टक्के मुलांचे लसीकरण करण्यात आले आहे. १०० टक्के या गटातील पहिल्या लसीकरण मात्रेचे लसीकरण करण्यासाठी पालिका प्रयत्नशील आहे. -डॉ.रत्नप्रभा चव्हाण,लसीकऱण प्रमुख नवी मुंबई पालिकेला लहान मुलांच्या लसीकरणासाठी मिळालेल्या कोर्बेवॅक्स लसमात्रा…. ९२८००१२ ते १४ वयोगटातील लसपात्र विद्यार्थी- ४७४५९१२ ते १४ वयोगटातील पहिली मात्रा घेतलेल्या मुलांची संख्या - ४७१४४१२ ते १४ वयोगटातील दुसरी मात्रा घेतलेल्या मुलांची संख्या- ३७१३३
