टीईटी परीक्षेत उत्तीर्ण करून देण्याच्या नावाखाली पैसे घेतल्याचे जिल्ह्यात अनेक प्रकार घडले आहेत. अलीकडेच बोगस टीईटी उत्तीर्ण झाल्याची यादी प्रसिद्ध झाल्यानंतर त्याचे पडसाद सर्वत्र उमटले आहेत. वाडा मध्ये याच प्रकरणात एका त्रस्त व्यक्तीने शिक्षणाधिकारी यांच्याशी संबंधित असणाऱ्या एका व्यक्तीच्या मुलीचे अपहरण केल्याची घटना घडली. यामुळे शिक्षण विभागातील कथित गैर व्यवहाराशी अपहरण प्रकरणाशी संबंध असल्याची शक्यता निर्माण झाली आहे.

या बातमीसह सर्व प्रीमियम कंटेंट वाचण्यासाठी साइन-इन करा

वाड्यापासून दोन किलोमीटर अंतरावर एका घरामध्ये लपवून ठेवलेले या मुलीची सुटका पोलिसांनी १२ तासात केली असून एका आरोपीला अटक केली आहे.वाडा शहरात अशोक वन परिसरात राहणाऱ्या अकरा वर्षीय विद्यार्थीनीला काल (१२ ऑगस्ट रोजी) सायंकाळी सहा वाजल्याच्या सुमारास एका वाहनात बसून वाडा तालुक्यातील काही अंतरावर असणाऱ्या ऐनशेत गावाजवळ एका शेतघराचा ठेवण्यात आले होते. पोलिसांनी सीसीटीव्ही फुटेज तपासल्यानंतर अपहरणात एका सफेद गाडीचा वापर झाल्याचे स्पष्ट झाले होते. वाडा पोलिसांनी तपास करून सकाळी सहा वाजल्याच्या सुमारास या मुलीची अपहरणकर्त्याकडून सुटका केली. या प्रकरणात पोलिसांनी एकाला अटक केली असून ही व्यक्ती वाड्यात शिकवणी (क्लास) घेत असल्याचे माहिती प्राप्त झाली आहे.

Palghar News (पालघर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Abduction and rescue of a student from wada amy
First published on: 13-08-2022 at 17:12 IST