कासा : पालघर जिल्ह्यात आदिवासी भागांमध्ये सामाजिक आणि शैक्षणिक कार्य करणाऱ्या व्यक्तींना दिला जाणारा कॉम्रेड गोदावरी परुळेकर समाजरत्न पुरस्कार यंदा अनिता संदीप पाटील यांना जाहीर झाला आहे. कॉम्रेड गोदावरी शामराव परुळेकर कॉलेज ऑफ आर्ट्स अँड सायन्स, तलासरी येथे २८ एप्रिल रोजी राष्ट्रवादीच्या खासदार सुप्रिया सुळे यांच्या हस्ते अनिता पाटील यांना हा पुरस्कार देऊन गौरविण्यात आले.गेल्या अनेक वर्षांपासून अनिता पाटील पालघरच्या ग्रामीण भागातील आदिवासी मुलांच्या शिक्षणासाठी तसेच तेथील नागरिकांसाठी समाजकार्य करत आहेत.