Health Staff Recruitment Soon advertising Quality health care maintain ysh 95 | Loksatta

आरोग्य कर्मचारी भरती लवकरच

पालघर जिल्ह्यातील आरोग्य सेवेचा दर्जा राखण्यासाठी रिक्त पदांच्या ७० टक्के प्रमाणात ४९५ पदे कंत्राटी पद्धतीने भरण्यास ग्रामविकास विभागाने अनुमती दिली आहे.

( संग्रहित छायचित्र )

पालघर : राज्यातील सर्व जिल्हा परिषदेकडील गट-क मधील १८ संवर्गातील १३ हजार ५१४ रिक्त पदे भरण्यासाठी मार्च २०१९ मध्ये प्रसिद्ध करण्यात आलेल्या जाहिरातीच्या अनुषंगाने जाहीर भरती प्रक्रियेपैकी आरोग्य विभागाशी संबंधित पदे २७ एप्रिलपर्यंत भरण्याचे वेळापत्रक जाहीर झाले आहे. असे असताना पालघर जिल्ह्यातील आरोग्य सेवेचा दर्जा राखण्यासाठी रिक्त पदांच्या ७० टक्के प्रमाणात ४९५ पदे कंत्राटी पद्धतीने भरण्यास ग्रामविकास विभागाने अनुमती दिली आहे.

त्यानुसार २७ एप्रिल २०२३ पर्यंत या पदावरील उमेदवारांची नियुक्ती आदेश देण्याचा कार्यक्रम जाहीर करण्यात आला आहे.  जिल्ह्यात गट-क मधील आरोग्य सेवक महिला व पुरुष, औषध निर्माण अधिकारी व प्रयोगशाळा वैज्ञानिक अधिकारी या पदांवरील १०४२ पदांपैकी ७१० पदे रिक्त असून रिक्त पदांच्या ७० टक्के म्हणजेच ४९५ हंगामी पद्धतीने कंत्राटी पद्धतीने पदभरती करण्यात येईल. यामुळे नियमित पदभरती प्रक्रिया पूर्ण होईपर्यंत बाह्य यंत्रणेमार्फत या हंगामी भरतीला मान्यता देण्यात आली आहे.

कंत्राटी पद्धतीने आरोग्य कर्मचारी गट-क भरती

२८१ आरोग्य सेविका,

१६५ आरोग्य सेवक,

२५ औषध निर्माण अधिकारी 

२४ वैज्ञानिक अधिकारी

मराठीतील सर्व पालघर ( Palghar ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 19-11-2022 at 00:02 IST
Next Story
भरारी पथकावर मद्य तस्करांचा हल्ला; डहाणूतील घटनेत कर्मचारी, पंच जखमी