मुरबे बंदर प्रकल्पाला ग्रामस्थांचा विरोध; महायुतीचे उमेदवार राजेंद्र गावित यांच्या प्रचार रॅलीला काळे झेंडे

स्थानिकांनी यापूर्वी वाढवण व मुरबे येथील प्रस्तावित बंदराच्या विरोधात राजेंद्र गावित यांची मुरबे गावात प्रचार रॅली सुरू असताना ग्रामस्थांनी काळे झेंडे दाखवत प्रचार रॅली रोखली. यावेळी राजेंद्र गावित यांनी खासदार असताना या प्रकल्पात विरोधात ठोस भूमिका घेतली नाही म्हणून गावित यांच्यासह महायुतीच्या धोरणांचा निषेध करण्यात आला. ग्रामपंचायतच्या सरपंच मोनालिसा तरे, उपसरपंच राकेश तरे व ग्रामपंचायत सदस्य यांनी मुरबे बंदराला विरोध करणारे निवेदन राजेंद्र गावित यांना सादर केले. राजेंद्र गावित निवडून आल्यास त्यांनी बंदराच्या विरोधात ग्रामपंचायत व ग्रामस्थांच्या सोबत उभे राहावे अशी जाहीर अपेक्षा व्यक्त केली.

नक्की वाचा

पालघर : विक्रमगड विधानसभेतील शिवसेना बंडखोरीमुळे पालघरमधील महायुतीत वादाची ठिणगी

Eknath Shinde : तुम्ही गृहखातं, विधानसभा अध्यक्षपद मागितलं…

Hitendra Thakur Party Symbol : हितेंद्र ठाकूर यांची ‘शिट्टी’ गायब !

पक्षांतर केल्यावरही राजेंद्र गावित यांनाच उमेदवारी का ?

महायुतीच्या प्रचारात गुजरातमधील निरीक्षकांची देखरेख

विधानसभा निवडणुकीसाठी शिट्टी झाले खुले चिन्ह; बहुजन विकास आघाडी सह इतर अपेक्षांना शिट्टी चिन्ह मिळू शकणार

एकनाथ शिंदेंनी मला फसवलं; उमेदवारी डावललेल्या आमदार श्रीनिवास वनगा यांचे वक्तव्य

हेही वाचा >>> पालघर : विक्रमगड विधानसभेतील शिवसेना बंडखोरीमुळे पालघरमधील महायुतीत वादाची ठिणगी

राजेंद्र गावित यांनी खासदार होण्यापूर्वी बंदर प्रकल्पाच्या विरोधात भूमिका घेतली होती तसेच बंदराचे काम सुरू झाल्यास आपण बुलडोझर समोर झोपू असे जाहीर घोषणा केली होती. मात्र महायुतीकडून निवडणुकीसाठी उमेदवारी मिळाल्यानंतर तसेच खासदारकीच्या कारकीर्दीत गावित यांनी या प्रकल्पांविषयी मौन पाळल्याने सध्या विधानसभेच्या निवडणुकीसाठी प्रचारासाठी गावोगावी भेट देत असताना बंदर विरोधी घटकांकडून गावित त्यांच्या विरोधात तीव्र पडसाद उमटत आहेत.

हेही वाचा >>> बहुजन विकास आघाडीला अखेर शिट्टी चिन्ह मिळाले, उच्च न्यायालयाकडून शिक्कामोर्तब

मुरबे येथे आज दुपारी प्रचार रॅली दरम्यान हातात काळे झेंडे घेऊन ग्रामस्थांनी जोरदार घोषणाबाजी केली. गावित यांना अशा प्रकारच्या विरोधाचा सामना सातपाटी गावात देखील यापूर्वी करावा लागला असून पश्चिम किनारपट्टीवरील अनेक गावांमध्ये बंदर उभारणीला विरोध होण्याची शक्यता आहे. दरम्यान या संदर्भात राजेंद्र गावित यांचे प्रतिनिधी व शिवसेना (शिंदे) पक्षाचे प्रवक्ते केदार काळे यांच्याशी संपर्क साधला असता विरोधकांनी जाणीवपूर्वक निषेध केल्याचे सांगितले. लोकसभा निवडणुकीदरम्यान देखील अशा प्रकारे बंदर विरोधी घटकांकडून निषेध व विरोध केल्यानंतर देखील महायुतीच्या उमेदवाराला किनारपट्टीच्या भागात भरघोस आघाडी मिळाल्याचे त्यांनी लक्ष वेधले. या संदर्भात महायुतीचे उमेदवार राजेंद्र गावित यांनी मुरबे ग्रामस्थांशी चर्चा करून आपली भूमिका स्पष्ट केल्याचे केदार काळे यांनी लोकसत्ताला सांगितले.