passengers disappointed for not increasing local train between virar to dahanu road zws 70 | Loksatta

विरार-डहाणू रोडदरम्यान उपनगरीय रेल्वे सेवा न वाढवल्यामुळे निराशा च पश्चिम रेल्वेच्या नवीन वेळापत्रकाचा घोषवारा

विरार येथून सायंकाळी ४.१० वाजता डहाणू रोडकडे सुटणारी सेवा तांत्रिकीकरणाचा आधार घेऊन रद्द करण्यात आली आहे.

विरार-डहाणू रोडदरम्यान उपनगरीय रेल्वे सेवा न वाढवल्यामुळे निराशा च पश्चिम रेल्वेच्या नवीन वेळापत्रकाचा घोषवारा
(प्रातिनिधिक छायाचित्र)

पालघर: पश्चिम रेल्वेने १ ऑक्टोबरपासून जारी होणाऱ्या उपनगरीय सेवांचा तपशील जाहीर केला असून विरार ते डहाणू रोड दरम्यान प्रवाशांच्या मागणीकडे दुर्लक्ष केल्याने  प्रवाशांमध्ये नाराजीचे वातावरण आहे. विशेष म्हणजे विरार पलीकडे उपनगरीय सेवेत वाढ झाली नसून काही गाडय़ांच्या वेळापत्रकात बदल करण्यात आले आहेत.

पश्चिम रेल्वेने नवीन वेळापत्रकात होणाऱ्या बदलांचा घोषवारा जाहीर केला असून यामध्ये करोना काळात सकाळी ४.४० वाजता चर्चगेटकडे धावणारी विशेष सेवा नियमित वेळापत्रकात अंतर्भूत करण्यात आली आहे. उपनगरीय क्षेत्रात सात अप (मुंबईच्या दिशेने) सेवा व पाच सेवा डाऊन (मुंबईकडून) वाढविण्यात आल्या असल्या तरीही विरार पलीकडच्या उपनगरीय सेवेमध्ये कोणतीही वाढ झालेली नाही. करोना काळात अत्यावश्यक सेवेतील कर्मचाऱ्यांसाठी डहाणू रोड येथून पहाटे गाडी सुरू करताना सकाळी ७.०५ वाजता कोविडपूर्व काळात डहाणू रोड येथून सुटणाऱ्या लोकलचा रेक वापरण्यात येणार असल्याचे नमूद करण्यात आले आहे. त्यामुळे ऐन गर्दीच्या वेळी याच सुमारास नवीन गाडी सुरू करण्याबाबतचे पश्चिम रेल्वेने लोकप्रतिनिधी, विभागीय समितीचे सदस्य तसेच प्रवासी संघटनेला दिलेले आश्वासन फोल ठरले आहे.

विरार येथून सायंकाळी ४.१० वाजता डहाणू रोडकडे सुटणारी सेवा तांत्रिकीकरणाचा आधार घेऊन रद्द करण्यात आली आहे. त्याऐवजी रात्री ९.२० वाजता विरार ते डहाणू रोड दरम्यान अतिरिक्त सेवा देण्यात आली आहे. डहाणू रोड येथून २.१५ वाजता दादपर्यंत जाणारी उपनगरीय सेवा चर्चगेटपर्यंत विस्तारित करण्यात आली आहे. करोनापूर्व काळात सकाळी ९.१० वाजता विरार येथून डहाणू रोडकडे जाणाऱ्या सेवा त्याच वेळेच्या जवळपास चर्चगेट येथून निश्चित करण्यात आली आहे.

लांब पल्ल्याच्या गाडय़ांचे थांबे सफाळा स्थानकात कमी करण्यात आले असून उपनगरीय क्षेत्रात नव्याने सेवा उपलब्ध करून द्याव्यात, अशी मागणी प्रलंबित होती. मात्र सकाळी व सायंकाळी ऐन गर्दीच्या वेळेत विशेष कोणतीही सेवा उपलब्ध न करून दिल्याने प्रवाशांमध्ये नाराजी पसरली आहे.

टाळेबंदी काळात रद्द असलेली डहाणूवरून सुटणारी सकाळी ७:०५ ची लोकल पश्चिम रेल्वेच्या विभागीय रेल्वे व्यवस्थापकांनी पालघर भेटीदरम्यान आश्वासन देऊनही सुरू करण्यात आली नाही. डहाणू ते वैतरणा विभागाला सापत्नतेची वागणूक मिळाली आहे. वेळापत्रकाची अंमलबजावणी करताना आणखी काय बदल होतात त्यातून डहाणू ते वैतरणा पट्टय़ातील बुडत्या प्रवाशांना काडीचा आधार तरी मिळेल का हे पाहणे उत्सुकतेचे ठरणार आहे. तूर्तास पश्चिम रेल्वेने केलेल्या वेळापत्रक बदलात डहाणू ते वैतरणा पट्टय़ातील प्रवाशांची घोर निराशा झाली आहे.

हितेश सावे, जनसंपर्क अधिकारी, डहाणू वैतरणा प्रवासी सेवाभावी संस्था

मराठीतील सर्व पालघर ( Palghar ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
भूमापन आता जलदगतीने ; पालघर जिल्ह्यात ‘रोव्हर’ यंत्रणेचा वापर, वसई, डहाणूत केंद्रांची उभारणी

संबंधित बातम्या

पक्षांतर करणाऱ्यांची निराशा ; शिंदे गटातील सदस्यांमध्ये नाराजी
मुख्य रस्त्यालगत फटाक्यांची दुकाने

व्हिडिओ

ताज्या बातम्या
“ते दोन सिक्स दिनेश कार्तिक किंवा हार्दिक पंड्याने मारले असते तर…”; विराटच्या त्या षटकारांबद्दल हॅरिस रौफ पहिल्यांदाच बोलला
विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?
“युक्रेनियन महिलांवर बलात्कार करण्यासाठी रशियन सैनिकांच्या पत्नींकडूनच प्रोत्साहन”
“सर्व यंत्रणा एखाद्या अजगराप्रमाणे गिळल्यावर आता न्यायालयेदेखील…”; शिवसेनेकडून केंद्रीय कायदामंत्र्यांच्या राजीनाम्याची मागणी
आधी गळा आवळला, मग विटांनी ठेचून खून; चिप्सचं आमिष दाखवून राजस्थानात ९ वर्षीय मुलीला संपवलं