संपामुळे ५० टक्के शाळा बंद; आरोग्य सेवा, विकासकामांनाही फटका

प्राथमिक व माध्यमिक विभागाच्या काही अनुदानित शाळा बंद असल्याने विद्यार्थ्यांना परत माघारी फिरावे लागले. मार्च महिना असल्याने पहिली ते नववीच्या वार्षिक परीक्षा तोंडावर आहेत. हा संप असाच सुरू राहिला तर विद्यार्थ्यांच्या अभ्यासक्रमावर त्याचा परिणाम होण्याची शक्यता आहे. काही शाळांचा अभ्यासक्रम पूर्ण झाला असला तरी, काही शाळांमध्ये अजूनही तो पूर्ण झालेला नाही. त्यामुळे विद्यार्थ्यांचे नुकसान होणार आहे, असे पालकांचे म्हणणे आहे.

आणखी वाचा

मुख्यमंत्री एकनाथ शिंदेंची भेट घेतल्यावर शरद पवारांची पहिली प्रतिक्रिया; म्हणाले, “मी आज…”

अखेर सत्य आलं समोर! शेवटचे दोन चेंडू राहिले असताना हार्दिक पांड्याने मोहित शर्माला काय सांगितलं? गोलंदाजाने केला मोठा खुलासा

स्त्री मनाला लज्जा आणणारी भाषा ते शितल म्हात्रे प्रकरणातील ओरिजनल व्हिडीओ, सुषमा अंधारे-संजय शिरसाट प्रकरण नेमकं काय आहे? वाचा…

“माझी संधी का डावलली गेली?” रायगडावरील शिवराज्याभिषेक सोहळा अर्ध्यात सोडून सुनील तटकरे माघारी; म्हणाले, “सरकारी कार्यक्रमात…!”

जिल्ह्यातील विकासकामे, निधी वितरण, नवीन कामांना मंजुरी, देयके मंजुरी, अर्थसंकल्प, अशी अनेक कामे जिल्हा प्रशासनासह जिल्हा परिषदेत मार्चमध्ये केली जातात. तसेच मार्च हा आर्थिक वर्षांचा अखेरचा महिना असल्यामुळे अनेक कामे असतानाही कर्मचारी संपात सहभागी झाले आहेत. त्यामुळे विकासकामांसह इतर कामे रखडण्याची शक्यता आहे. जिल्हा प्रशासनासह जिल्हा परिषदेच्या लेखा व वित्त विभागावर अतिरिक्त ताण येत आहे.

शेतकऱ्यांच्या कर्जाचा निपटारा मार्चअखेर केला जातो. त्यामुळे तलाठी कार्यालयातून सातबारा घेणे, बोजा काढणे, कर्जासाठी इतर कागदपत्र गोळा करणे, अशी कामे तहसीलदार, मंडळ अधिकारी व तलाठी कार्यालयात केली जातात. त्यासाठी शेतकऱ्यांची गर्दी असते. मात्र, संपामुळे शेतकऱ्यांची कामे खोळंबली आहेत. पालघर जिल्ह्यातील शासकीय आरोग्य संस्थांमध्ये या संपाचा ताण येत आहे. काही संस्थांमध्ये कंत्राटी कर्मचाऱ्यांवर काम केले जात असले तरी रुग्णांना सेवा देताना कसरत करावी लागत आहे. रुग्णालयांचे कार्यालयीन कामकाज ठप्प असल्याचे सांगण्यात आले.