वाडा: आज बुधवारी दिड दिवसाचे गणपती विसर्जन करताना पालघर जिल्ह्यातील वाडा तालुक्यात कोनसई येथे दोन तर गो-हे येथे एकजणाचा बुडून मृत्यू झाल्याची घटना घडली आहे.कोनसई येथे वैतरणा नदीमध्ये गणपती विसर्जन करताना संध्याकाळी साडेसहा वाजता जगत नारायण मौर्य (वय ३८) सूरज नंदलाल प्रजापती (वय २५) या दोन परप्रांतीयांचा बुडून मृत्यू झाला. ते येथील प्रेम रतन या कंपनीत कामगार म्हणून काम करीत होते. त्यांनी दिड दिवसीय गणपतीची प्रतिष्ठापना केली होती. मुळ उत्तर प्रदेशातील रहिवासी असलेल्या या दोन्ही गणेश भक्तांना गणपती विसर्जन करताना खोल पाण्याचा अंदाज न आल्याने ते बुडाले. तर दुसऱ्या घटनेत गो-हे येथे एका तलावात गणपती विसर्जन करताना एकाचा मृत्यू झाला त्याचे नाव प्रकाश नारायण ठाकरे असून दोघांचे मृतदेह सापडले आहेत असे वाडा पोलिसांनी सांगितले
जळगाव : हतनूर धरणाच्या सर्व ४१ दरवाज्यांतून विसर्ग, तापी काठच्या गावांना सतर्कतेचा इशारा
वैनगंगा नदीने ओलांडली धोका पातळी, भंडाऱ्यात पूर परिस्थिती
अजगराने जिवंत मांजर गिळली; लोकवस्ती शिरलेल्या अजगरला सर्प मित्रांकडून जीवदान
सोयाबीनवर किड, बळीराजा संकटात; उत्पादनात घट होण्याची भीती
