tribal girl studying in government run ashram school dies of fever zws 70 | Loksatta

शासकीय आश्रमशाळेतील विद्यार्थिनीचा मृत्यू ; शिक्षकांची हलगर्जी; कुटुंबीयांचा आरोप

शिक्षकांच्या हलगर्जीमुळे मुलीचा मृत्यू झाल्याचा आरोप कुटुंबीयांनी केला आहे.

शासकीय आश्रमशाळेतील विद्यार्थिनीचा मृत्यू ; शिक्षकांची हलगर्जी; कुटुंबीयांचा आरोप
प्रतिनिधिक छायाचित्र

कासा: आदिवासी विकास प्रकल्प अंतर्गत चालविल्या जाणाऱ्या शासकीय आश्रमशाळा उधवा कासपाडामध्ये इयत्ता ७ वीत शिकत असलेल्या एका तेरा वर्षीय आदिवासी मुलीचा मृत्यू झाला. शिक्षकांच्या हलगर्जीमुळे मुलीचा मृत्यू झाल्याचा आरोप कुटुंबीयांनी केला आहे.

मिताली सुरेश चौधरी (राहणार उधवा केवडीपाडा) हिला ताप येत असल्याने मंगळवारी दुपारी उधवा येथील प्राथमिक आरोग्य केंद्रात दाखल केले होते. तेथे वैद्याकीय अधिकाऱ्यांनी मुलीची प्रकृती गंभीर असल्यामुळे  तिला खानिवली येथील शासकीय रुग्णालयात घेऊन जा असा सल्ला दिला; परंतु तसे न केल्यामुळे बुधवारी पहाटे पाच वाजेच्या सुमारास मुलीची तब्येत आणखीन बिघडली. त्यामुळे तिला पुन्हा प्राथमिक आरोग्य केंद्रात आणण्यात आले.  आणि तेथून केंद्राच्या रुग्णवाहिकेतून अधिक उपचारासाठी खानिवली येथील शासकीय रुग्णालयात घेऊन जात असताना तिचा रस्त्यातच मृत्यू झाला. शवविच्छेदनानंतर तिला सिकलसेलचा आजार झाल्याचे आढळून आले. हे निदान आधीच झाले असते तर उपचाराने मुलीचा जीव वाचला असता असे उधवा येथील प्राथमिक आरोग्य केंद्राचे डॉ. रितेश पटेल यांनी सांगितले.

 मुलगी आजारी असल्याची माहिती पालकांना देऊन तिला वेळीच रुग्णालयात दाखल करावयास पाहिजे होते, मात्र शाळेच्या मुख्याध्यापक तसेच अधीक्षकांनी तसे काहीही केले नसल्याने मुलीचा मृत्यू झाला. त्यास आश्रमशाळेचे शिक्षक जबाबदार असल्याने त्याच्यावर कारवाई करण्याची मागणी पालकांनी केली आहे. दरम्यान, याबाबत शासकीय आश्रमशाळा मुख्याध्यापक मनोहर जगताप यांच्याकडून घटनेची माहिती घेण्याचा प्रयत्न केला असता त्यांनी दूरध्वनी उचलला नाही.

मराठीतील सर्व पालघर ( Palghar ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
गावठाण जमिनीत गैरव्यवहार ; बोईसरमध्ये बनावट कागदपत्रांच्या आधारे जमीन विक्री

संबंधित बातम्या

पालघर जिल्हा परिषदेत राष्ट्रवादी काँग्रेस सदस्यांच्या साथीने शिंदे गट-भाजपाचे नवीन सत्तासमीकरण
नशेत धुंद ट्रक चालकाने तीन वाहनांना दिली धडक ; अपघातात चार वर्षाच्या चिमुकलीसह पित्याचा मृत्यू तर तीन जखमी
राष्ट्रीय महामार्गावर बसचा भीषण अपघात
डहाणुकरांसाठी खुषखबर…; लवकरच १५ डब्यांच्या लोकलमधून प्रवास घडणार

व्हिडिओ

ताज्या बातम्या
विश्लेषण: निवडणूक रोखे योजनेचे भवितव्य काय? सत्ताधाऱ्याविरुद्ध विरोधकांची तक्रार काय?
लालचुटूक स्ट्रॉबेरीचा हंगाम बहरात; वाई, महाबळेश्वरसह नाशिक जिल्ह्यातूनही स्ट्रॉबेरीची आवक
नदाव लॅपिड यांच्या वादग्रस्त वक्तव्यावर ‘द केरळ स्टोरी’च्या दिग्दर्शकाची प्रतिक्रिया, म्हणाले “हे अनैतिक…”
जुळ्या बहिणींशी लग्न करणारा तरुण अडचणीत? राज्य महिला आयोगाच्या अध्यक्षा पोलिसांना निर्देश देत म्हणाल्या, “सोलापूरमधील एका…”
“आमच्या नात्यात दुरावा…” ऋतुराज गायकवाडबरोबर रिलेशनशिपच्या चर्चांना सायली संजीवने दिला पूर्णविराम