पालघर : पश्चिम रेल्वेच्या डहाणू रोड व घोलवड स्थानकाच्या दरम्यान ओव्हरहेड वायर तुटल्याने लांब पल्ल्याच्या गाड्यांची सेवा विस्कळीत झाली आहे. सायंकाळी सहा वाजल्यानंतर तांत्रिक बिघाड झाला असल्याचे निदर्शनास आले. त्यामुळे लांब पल्ल्याच्या गाड्या ठीकठिकाणी रेल्वे स्थानकात थांबवून ठेवण्यात आल्या होत्या. हा बिघाड झाल्याची माहिती पश्चिम रेल्वेने ट्विटद्वारे दिली असून बहुतांश गाड्या दीड ते दोन तास उशिराने धावत असल्याचे दिसून आले.
