News Flash

मने जुळली.. पत्रिकाही जुळणार ? पसंत आहे मुलगी

दोघांची मने जुळलेली असतील तर मग पत्रिका जुळण्याची गरज खरंच उरते का ?

January 25, 2016 10:42 am

1 of 5
mulgipasantahe01

चांगल्या गोष्टींचा शुभारंभ करण्यासाठी चांगला मुहूर्त बघण्याची आवश्यकता असते असं मानणारा आपल्याकडचा एक वर्ग. तर ज्या वेळी चांगल्या गोष्टींचा विचार डोक्यात येतो तेव्हाच कामाला सुरूवात करणे हाच खरा मुहूर्त असं मानणारा एक दुसरा वर्ग. या दोन वर्गाची ही परस्परभिन्न मते आणि त्यावरून होणारे वाद विवाद आपण नेहमीच अनुभवतो आणि या वादाची प्रचिती येते ती विवाहाच्या प्रसंगी. लग्नाच्या गाठी स्वर्गातच जुळतात पण खाली त्या गाठी जुळवण्यासाठी अनेकजण आधार घेतात ते जन्मपत्रिकेचा आणि पंचागांचा. मुला मुलीच्या राशींपासून ते त्यांच्या कुंडलीत असणा-या ग्रहांची आणि गुणांची तपासणी करूनच लग्नाची ही बोलणी पुढे सरकते. परंतु ज्यांचं लग्न होणार आहे त्या दोघांची मने जुळलेली असतील तर मग पत्रिका जुळण्याची गरज खरंच उरते का ? पत्रिकेतील ग्रह एखाद्याच्या नात्याचं भविष्य ठरवू शकतात का ? या प्रश्नांवरच आधारित एक नवी मालिका ‘पसंत आहे मुलगी’ झी मराठीवरून प्रेक्षकांच्या भेटीस येत आहे. येत्या २५ जानेवारीपासून सोमवार ते शनिवार रात्री ८.०० वा. ही मालिका प्रसारित होणार आहे.

1 of 5

First Published on January 23, 2016 3:13 pm

Just Now!
X