आयसीसी करंडक मालिकेतील भारत विरुद्ध इंग्लंड यांच्यातील अंतिम सामना भारताने पाच धावांनी जिंकत पुन्हा एकदा आपणच चॅम्पियन्स असल्याचे सिध्द केले. (छाया- पीटीआय)

बोपाराने सुरेश रैना आणि धोनीला एका षटकामध्ये बाद करत भारताला मोठा धक्का दिला होता. मात्र, पुढील तीन षटकांमध्ये रविंद्र जडेजा व कोहलीने ३० धावा करत भारताला १२९ पर्यंत मजल मारण्यात यश मिळवून दिले. बोपाराने २० धावा देत ३ बळी मिळविले. (छाया- पीटीआय)

भारताचा धडाकेबाज फलंदाज विराट कोहलीने ४३ व मालिकेतील सर्वाधिक धावा करणा-या शिखर धवनने दमदार ३१ धावा केल्या. मात्र, इंग्लंडच्या शिस्तबध्द गोलंदाजी पुढे भारताला जरा जपूनच खेळावे लागले. (छाया- पीटीआय)

जडेजाने शेवटच्या षटकात टीम ब्रेसन च्या चेंडूवर षटकार ठोकत नाबाद ३३ धावा केल्या. इंग्लंडचा डाव सुरूवातीलाच डळमळला कर्णधार अॅलिस्टर कुक दोन धावांत गारद झाला. उमेश यादवला झेल देऊन तो तंबूत परतला. जोनाथन ट्रॉटने १७ चेंडूमध्ये २० धावांची खेळी केली.(छाया- पीटीआय)

मालिकावीर शिखर धवनने त्याला मिळालेल्या 'सोनेरी बॅट'सह मिळालेली पुरस्काराची रक्कम उत्तराखंड पुरग्रस्तांच्या मदतनिधीला देण्याचे जाहीर केले. (छाया- पीटीआय)

भारताचा धडाकेबाज फलंदाज विराट कोहलीने ४३ व मालिकेतील सर्वाधिक धावा करणा-या शिखर धवनने दमदार ३१ धावा केल्या. मात्र, इंग्लंडच्या शिस्तबध्द गोलंदाजी पुढे भारताला जरा जपूनच खेळावे लागले. (छाया- पीटीआय)

इशांतने चार षटकांमध्ये ३६ धावा दिल्या. मात्र, लागोपाठ ईऑन मॉरगन आणि रवी बोपारा हे इंग्लंडचे महत्वाचे दोन मोहरे टीपत इशांतने सामन्याचे चित्र बदलले. (छाया- पीटीआय)

मॉर्गन आणि बोपाराने पाचव्या विकेटसाठी ६४ धावांची खेळी करत विजयाच्या आशा उंचावल्या होत्या. गोलंदाजीत काहीसा महागडा ठरलेल्या इशांत शर्माने मॉर्गन आणि बोपाराची जोडी फोडली.(छाया- पीटीआय)

अत्यंत अटीतटीच्या या सामन्यामध्ये पहिली फलंदाजी करणा-या भारताने २० षटकांत १२९ धावा करत इंग्लंड समोर १३० धावांचे आव्हान दिले होते. इंग्लंडचा डाव २० षटकांत १२४ धावांमध्ये आटोपला. इंग्लंडने १२४ धावांच्या बदल्यात आपले ८ गडी गमावले. (छाया- पीटीआय)