आराध्या जगातली सर्वात सुंदर नात- अमिताभ

१६ नोव्हेंबरला आराध्या बच्चन पाच वर्षांची झाली. या दिवसाचे औचित्य साधून आजोबा बिग बी यांनी ती जगातली सगळ्यात सुंदर नात असल्याचे पोस्टही शेअर केले.

ते लिहितात की, आज आराध्या जरी ५ वर्षांची झाली असली तरी ५५ वर्षांच्या व्यक्तीसारखी वागते. आज कालची मुले ही खूप हुशार, बुद्धीमान आहेत. त्यांच्या आजूबाजूला काय घडत आहे याचे पूर्ण ज्ञान त्यांना असते.

यावेळी त्यांनी ऐश्वर्याचेही कौतुक केले. आराध्याला नक्की काय म्हणायचे आहे हे कधी कधी आम्हाला कळत नाही. पण ऐश्वर्याला मात्र आराध्याच्या मनातले ओळखते. आई आणि मुलीचे संबंध काही वेगळेच असतात.

सध्या ऐश्वर्या तिच्या मुलीच्या बर्थडे पार्टीच्या तयारीमध्ये व्यग्र आहे.

२० नोव्हेंबरला ती आराध्याचा वाढदिवस साजरा करणार आहे. याच दिवशी ऐश्वर्याचे बाबा कृष्णराज राय यांचा वाढदिवस असतो.

२० तारखेला राय आणि बच्चन कुटुंबिय ही बर्थडे पार्टी त्यांच्या प्रतिक्षा बंगल्यावर बी-टाऊनच्या मित्र-मैत्रिणींसोबत साजरी करणार आहेत.

आराध्याही तिच्या आजोबांसोबत वाढदिवस साजरा करायला उत्सुक आहे. सजावट कशी असावी याबद्दल तिनेही काही सुचना दिल्या आहेतच.

यावेळी कृष्णराज राय यांच्या आवडीच्या पदार्थांचा समावेश जेवणात करण्यात येणार आहे.

बाबा अभिषेक बच्चनसोबत आराध्या बच्चन

सोशल मीडियावर अभिषेक आपल्या कुटुंबासोबतचे फोटो अनेकदा शेअर करतो

होळीच्या वेळी त्यांच्या छोट्या कुटुंबाचा काढलेला हा छानसा फोटो

आई ऐश्वर्या आणि आत्या श्वेता नंदासोबत आराध्या