नवीन वर्षात अनेक सेलिब्रिटी लग्नगाठ बांधणार आहेत. त्यापैकी मराठीतील कोणते कलाकार बोहल्यावर चढण्यासाठी सज्ज आहेत ते पाहुयात..

अभिनेत्री सोनाली कुलकर्णी ही २०२१ मध्ये कुणाल बेनोडेकरशी लग्न करणार आहे. कुणाल कामानिमित्त दुबईत राहतो.

फेब्रुवारी महिन्यात या दोघांचा साखरपुडा पार पडला. पुढच्या वर्षी उन्हाळ्यात या दोघांचं लग्न होणार असल्याचं समजतंय.

सोनालीने अद्याप लग्नाची तारीख जाहीर केलेली नाही.

रुपाली भोसले आणि अंकित मगरे गेल्या वर्षभरापासून एकमेकांना डेट करत आहेत.

हे दोघंसुद्धा नवीन वर्षात लग्नगाठ बांधणार असल्याचं कळतंय.

अभिनेत्री अभिज्ञा भावे आणि मेहुल पै यांचा साखरपुडा नुकताच पार पडला.

अभिज्ञा आणि मेहुलचं हे दुसरं लग्न असून २०२१ मध्ये हे दोघं लग्नगाठ बांधणार आहेत.

मानसी नाईक आणि प्रदीप खरेरा यांचा साखरपुडा काही दिवसांपूर्वी पार पडला.

प्रदीप प्रोफेशनल बॉक्सर आहे. नवीन वर्षाच्या पहिल्याच महिन्यात म्हणजेच जानेवारीत हे दोघं लग्न करणार आहेत.

अभिनेता सिद्धार्थ चांदेकर आणि अभिनेत्री मिताली मयेकर यांचा गेल्या वर्षी डिसेंबर महिन्यात साखरपुडा पार पडला.

करोनाच्या प्रादुर्भावामुळे त्यांनी लग्नाची तारीख पुढे ढकलली. आता नवीन वर्षात हे दोघं लग्नबंधनात अडकणार आहेत.

पूजा ठोंबरे आणि कुणार अहिरराव हे गेल्या आठ वर्षांपासून रिलेशनशिपमध्ये आहेत.

गेल्या वर्षी डिसेंबर महिन्यात या दोघांचा साखरपुडा पार पडला.

ही जोडीसुद्धा नवीन वर्षात आयुष्याच्या नव्या प्रवासाला सुरुवात करणार आहे.