सध्या खणाचा फॅशन ट्रेण्डमध्ये आहे. बाजारात साडीपासून ते कंदील आणि तोरणांपर्यंत सगळंच खणाचं पाहायला मिळतंय.

'स्वामिनी' या लोकप्रिय मालिकेत रमाबाईंची भूमिका साकारणाऱ्या अभिनेत्री रेवती लेले हिलासुद्धा खणाची भुरळ पडली आहे.

जांभळ्या रंगाची खणाची साडी, त्यावर राखाडी रंगाचा ब्लाऊज आणि सिल्व्हर दागिने असा रेवतीचा साज पाहायला मिळतोय.

हल्ली खणाच्या साडीवर शोभेल असा लूक न ठेवता काहीसं अनमॅच करण्याकडे तरुणींचा कल आहे आणि तो रेवतीच्या ब्लाऊजच्या बाबतीत प्रकर्षाने जाणवतो.

हल्ली खणाच्या साडीवर रंगीत पारंपरिक व आधुनिक नक्षीकाम करण्यावर भर आहे. यामध्ये नथ, कोयरी आणि मोराची नक्षी ट्रेण्डमध्ये आहे. रेवतीच्या साडीवर नथीचं सुंदर नक्षीकाम पाहायला मिळतंय.

(सर्व छायाचित्र सौजन्य - इन्स्टाग्राम/ रेवती लेले)