प्रसिद्ध बॉलिवूड गायिका नेहा कक्कर आणि रोहनप्रीत सिंह यांचं लग्न होऊन आता बराच काळ उलटून गेला आहे. मात्र, अजूनही त्यांच्या लग्नाची चर्चा काही केल्या थांबण्याचं नाव घेत नाही. ( सौजन्य : नेहा कक्कर इन्स्टाग्राम पेज)

नेहा रोहनच्या लग्नापासून ते त्यांच्या हनिमूनपर्यंत प्रत्येक गोष्ट चर्चेत राहिली. या सगळ्यात आता नवीन चर्चा रंगली आहे, ती म्हणजे त्यांच्या लव्हस्टोरीच्या सुरुवातीची.

अलिकडेच नेहा आणि रोहनप्रीतने द कपिल शर्मा शो या कार्यक्रमात हजेरी लावली होती.

कपिल शर्माच्या मंचावर नेहा आणि रोहनप्रीतने त्यांच्या नात्याविषयी अनेक गोष्टींचा खुलासा केला.

या शोमध्ये रंगलेल्या चर्चांमध्ये नेहाने तिची आणि रोहनप्रीतच्या लव्हस्टोरीचा उलगडा केला.

नेहा आणि रोहनप्रीत यांची पहिली भेट ऑगस्ट महिन्यात चंदीगढमध्ये झाली होती.

नेहा -रोहनची पहिली भेट एका गाण्याच्या निमित्ताने झाली होती. हे गाणं नेहाने लिहिलं असून तिनेच संगीतसुद्धा दिलं होतं.

या गाण्याच्या ऑडिशनसाठी रोहनला बोलावण्यात आल्याचं त्यावेळी दोघांनाही सांगण्यात आलं होतं.

त्यावेळी एकमेकांशी जुजबी ओळख झाल्यानंतर या दोघांनी गाणं शूट केलं.

गाण्याचं चित्रीकरण संपल्यानंतर नेहाने रोहनकडे त्याच्या स्नॅपचॅट आयडी मागितला. मात्र, रोहनने स्नॅपचॅट आयडी देण्याऐवजी तिला व्हॉट्सअॅपवर मेसेज केला.

सुरुवातीच्या काळात नेहाशी बोलताना रोहन प्रचंड काचरत होता. तिच्याशी नेमकं काय बोलावं हे त्याला सुचत नव्हतं.

रोहनचा लाजाळू स्वभाव लक्षात घेत नेहानेच एकदिवस तिला लग्न करण्याची इच्छा आहे असं सांगितलं आणि त्याला प्रपोज केलं.

नेहाने प्रपोज केल्यानंतरही रोहन या लग्नासाठी फारसा तयार नव्हता.

मी केवळ २५ वर्षांचा आहे असंच रोहन वारंवार नेहाला सांगत होता. मात्र, काही काळ गेल्यानंतर रोहनने स्वत:च त्याचंदेखील नेहावर प्रेम असल्याचं कबूल केलं.

त्यानंतर काही कालावधीच या दोघांनी कुटुंबीयांच्या संमतीने लग्नगाठ बांधली.