कलाकारांची कमाल! अभिनयासोबतच आहेत यशस्वी उद्योजकही

अभिनयाशिवाय इतरही क्षेत्रात सक्रिय असणारे बरेच कलाकार मराठी कलाविश्वात आहेत. या इंडस्ट्रीतून यशस्वी उद्योजक ठरलेले कलाकार कोणते ते पाहुयात.. (सर्व छायाचित्र सौजन्य - इन्स्टाग्राम)

आरती वडगबाळकर - आरती गायिका, अभिनेत्री, निर्माती आणि यशस्वी डिझाइनरसुद्धा आहे. आरतीचा कपड्यांचा व्यवसाय आहे. 'कलरछाप' नावाचा कपड्यांचा ब्रँड आहे.

अभिज्ञा भावे - 'तुला पाहते रे' फेम अभिनेत्री अभिज्ञा भावेनं एअर होस्टेसचं प्रशिक्षण घेतलं. अभिनयातही करिअर करणाऱ्या अभिज्ञाने तिची खास मैत्रीण तेजस्विनी पंडित हिच्यासोबत मिळून कपड्यांचा एक ब्रँड लाँच केला. अभिज्ञाला फॅशन डिझाइनिंगमध्ये रस आहे.

तेजस्विनी पंडित - 'तेजाज्ञा' हा कपड्यांचा ब्रँड अभिज्ञा भावे आणि तेजस्विनीने मिळून लाँच केला. तरुणांमध्ये हा ब्रँड चांगलाच लोकप्रिय आहे.

शिव ठाकरे - छोट्या पडद्यावरील सर्वांत लोकप्रिय व तितकाच वादग्रस्त रिअॅलिटी शो ‘बिग बॉस मराठी २’या शोच्या विजेतेपदावर शिव ठाकरेनं आपलं नाव कोरलं. नुकताच शिवने स्वत:चा नवीन व्यवसाय सुरु केला आहे. शिवने त्याचा डिओडरंट ब्रँड लाँच केला आहे.

अपूर्वा नेमळेकर - 'रात्रीस खेळ चाले' या मालिकेत शेवंताची भूमिका साकारणारी अभिनेत्री अपूर्वा नेमळेकर ज्वेलरी डिझाइनरसुद्धा आहे. अपूर्वा तिचे अनेक डिझाइन्स सोशल मीडियावर शेअर करताना दिसते. 'अपूर्वा कलेक्शन' नावाचा ज्वेलरीचा ब्रँड आहे.

सई ताम्हणकर - मराठी चित्रपटसृष्टीतील ग्लॅमरस अभिनेत्री म्हणून सई ताम्हणकरकडे पाहिलं जातं. सईचा साड्यांचा व्यवसाय आहे. 'द सारी स्टोरी' नावाचा साड्यांचा ब्रँड आहे.

निवेदिता सराफ - 'अग्गंबाई सासूबाई' या मालिकेत आसावरीची भूमिका साकारणाऱ्या अभिनेत्री निवेदिता सराफ यांचा साड्यांचा व्यवसाय आहे. 'हंसगामिनी' असं त्यांच्या साड्यांच्या ब्रँडचं नाव आहे.

पराग कान्हेरे - 'बिग बॉस मराठी २' फेम पराग कान्हेरे हा सेलिब्रिटी शेफ आहे. परागने नुकतंच एक रेस्टॉरंट सुरू केलं असून त्या विविध प्रकारचे वडापाव ही त्या रेस्टॉरंटची खासियत आहे. खर्डा वडापाव, चुरा वडापाव असे भन्नाट वडापावची चव त्याच्या रेस्टॉरंटमध्ये चाखायला मिळते.

क्रांती रेडकर - अभिनेत्री क्रांती रेडकर सोशल मीडियावर तिच्या भन्नाट विनोदी व्हिडीओमुळे चर्चेत असते. क्रांतीचाही कपड्यांचा व्यवसाय आहे. यासोबतच तिने नुकतंच ज्वेलरी ब्रँडसुद्धा लाँच केलं आहे.

प्रिया बापट - अभिनेत्री प्रिया बापटनं आपल्या बहिणीसोबत 'सावेंची' नावाचा साड्यांचा ब्रँड सुरू केला आहे.

सई लोकूर - 'बिग बॉस मराठी' फेम सई लोकूर ज्वेलरी डिझाइनरसुद्धा आहे. यासोबतच तिने 'सांझ' ज्वेलरी ब्रँडसुद्धा लाँच केलं आहे.

हार्दिक जोशी - ‘तुझ्यात जीव रंगला’ या मालिकेतून घराघरात पोहोचलेला कोल्हापूरचा रांगडा गडी राणा गायकवाड म्हणजेच अभिनेता हार्दिक जोशी. नुकताच त्याने स्वतःचा नवीन व्यवसाय सुरु केला आहे. 'कोल्हापूर बदाम थंडाई' असं त्याच्या ब्रॅण्डचं नाव आहे.