बॉलिवूड अभिनेत्री कियारा अडवाणीसारख्या दिसणाऱ्या तरुणीचे फोटो सोशल मीडियावर व्हायरल होत आहेत.
या तरुणीने तिच्या इंस्टाग्राम अकाऊंटवरून एक फोटो पोस्ट केला होता.
फोटोतील तरुणीचा लूक अभिनेत्री कियारा अडवाणी हिच्या ‘शेरशाह’ या चित्रपटातील लूकशी मिळता जुळता आहे.
तरुणीचा फोटो पाहून नेटकऱ्यांना फोटोत कियारा अडवाणी असल्याचं भासलं. या फोटोवर नेटकऱ्यांनी तशा कमेन्ट्सही केल्या आहेत.
हुबेहूब कियारा अडवाणीसारख्या दिसणाऱ्या या तरुणीचं नाव ‘तनिषा संतोषी’ असं आहे.
दिग्दर्शक राजकुमार संतोषी यांची तनिषा मुलगी आहे.
तनिषा लवकरच बॉलिवूडमध्ये पदार्पण करणार आहे.
बॉलिवूडमध्ये पदार्पण करण्याआधीच तनिषा तिच्या फोटोमुळे चर्चेत आली आहे.
तनिषा संतोषीने लंडन येथून शिक्षण पूर्ण केलं आहे.
तनिषाने १३ जानेवारी रोजी तिचं इंस्टाग्राम अकाऊंट पब्लिक केलं.
त्यानंतर तिने पोस्ट केलेल्या या फोटोची सोशल मीडियावर चर्चा रंगली.
अनेक बॉलिवूड सेलिब्रिटीजने तनिषाच्या या फोटोवर कॉमेन्ट करून तिला शुभेच्छा दिल्या आहेत.
