मराठी चित्रपटसृष्टीची ‘अप्सरा’ अर्थातच अभिनेत्री सोनाली कुलकर्णी ही पुन्हा विवाहबंधनात अडकली आहे.
तिने तिचा पती कुणाल बेनोडेकर पुन्हा लगीनगाठ बांधली.
सोनाली कुलकर्णीने सोशल मीडियावर पोस्ट शेअर करत चाहत्यांना याबाबतची माहिती दिली.
सोनाली सध्या तिच्या पतीसोबत छान वेळ घालवताना दिसत आहे.
सोनाली आणि कुणाल हे मॅक्सिकोमध्ये हनिमूनसाठी गेले आहेत.
सोनालीने नुकतंच त्यांच्या हनिमूनचे काही फोटो शेअर केले आहेत.
यात तिने छान मोनाकिनी परिधान केल्याचे दिसत आहे.
यात ती फार सुंदर आणि ग्लॅमरस दिसत आहे.
मॅक्सिको हे स्वच्छ, निर्मळ आणि मन मोहून टाकणाऱ्या सुंदर समुद्र किनाऱ्यांसाठी खास ओळखले जाते.
सोनाली आणि कुणाल हे दोघेही सध्या Secrets Maroma Beach Riviera Cancun या रिसॉर्टमध्ये राहत आहेत.
हे रिसॉर्ट दिसायला अतिशय सुंदर आणि प्रशस्त आहे.
हे रिसॉर्ट युकाटन द्वीपकल्प (Yucatan Peninsula) या ठिकाणी स्थित आहे.
विशेष म्हणजे मॅक्सिकोमधील सर्वात प्राचीन समुद्रकिनाऱ्यांपैकी एका समुद्रकिनाऱ्याजवळ ५०० एकरांवर हे रिसॉर्ट वसलेले आहे.
या ठिकाणी असलेली शुद्ध पांढरी वाळू, स्वच्छ पाणी आणि शुद्ध वातावरण यामुळे अनेक परदेशी पर्यटकांचे हे आवडते ठिकाण आहे.
या रिसॉर्टमध्ये एकून ४१२ डिलक्स रुम आहेत. या सर्व रुममध्ये अत्याधुनिक सेवा देण्यात आल्या आहेत.
या रिसॉर्टमध्ये राहण्यासाठी चार विविध पर्याय उपलब्ध आहेत.
सोनाली आणि कुणाल हे दोघेही Junior Suite Swim Out या रुममध्ये राहत आहेत.
या रुमचे प्रतिदिवसाचे भाडे 1188.39 USD इतके आहे.
भारतीय रुपयांनुसार हे भाडे साधारण एक ते सव्वा लाख रुपयांच्या आसपास जाते.
जर तुम्ही या ठिकाणी राहण्यासाठी जात असला तुमचे दोन दिवसांचे रुमचे राहण्याचे भाडे हे दोन ते अडीच लाख होते.
यासाठी तुम्हाला जवळपास महिनाभर आधी बुकींग करणे आवश्यक आहे.
मात्र Secrets Maroma Beach Riviera Cancun हे मॅक्सिकोमधील अतिशय स्टाइलिश रिसॉर्ट म्हणून ओळखले जाते.
