-
सध्या देशभरात दाक्षिणात्य विरुद्ध बॉलिवूड चित्रपटांमध्ये तगडी टक्कर पाहायला मिळत असली तरी बॉलिवूडमध्ये काही दिग्दर्शक असेही आहेत. ज्यांनी सुपरहीट चित्रपट दिले आहेत. आज हे दिग्दर्शक कोट्यवधीच्या संपतीचे मालक आहेत.
-
‘पद्मावत’, ‘बाजीराव मस्तानी’, ‘गोलियों की रासलीला- रामलीला’, ‘गुजारिश’ आणि ‘गंगूबाई काठियावाड़ी’ यांसारखे हिट चित्रपट देणारे संजय लीला भन्साळी यांच्या चित्रपटाचे सेट हे नेहमीच विशेष आकर्षण ठरतं.
-
उत्तम कथा, संवाद आणि भव्य सेटसाठी प्रसिद्ध असलेले भन्साळी हे बॉलिवूडच्या सर्वात श्रीमंत दिग्दर्शकांपैकी एक आहेत. एका रिपोर्टनुसार त्यांची एकूण संपती ९४० कोटी रुपये एवढी आहे.
-
दिग्दर्शक राजकुमार हिरानी यांनी ‘पीके’, ‘संजू’, आणि ‘३ इडियट्स’ सारखे ब्लॉकबस्टर चित्रपट दिले आहेत. सध्या ते त्यांचा आगामी चित्रपट ‘डंकी’मुळे चर्चेत आहेत.
-
राजकुमार हिरानी देशातील सर्वात जास्त कर भरणारे दिग्दर्शक म्हणून ओळखले जातात. त्यांची एकूण संपत्ती १३०० कोटी रुपये एवढी आहे.
-
बॉलिवूड निर्माता आणि दिग्दर्शक करण जोहर स्टार किड्सना बॉलिवूडमध्ये एंट्री देण्यासाठी ओळखला जातो. DDLJ, ‘कल हो न हो’, ‘माय नाम इज खान’ सारखे हीट चित्रपट देणाऱ्या करणनं ‘स्टूडेंट ऑफ द ईयर २’ आणि ‘कलंक’ बिग बजेट फ्लॉप चित्रपटही दिले आहेत.
-
बॉलिवूडच्या श्रीमंत दिग्दर्शकांमध्ये गणल्या जाणाऱ्या करण जोहरची एकूण संपती २०५ मिलियन डॉलर आहे. त्याचं वार्षिक उत्पन्न हे १०० कोटी रुपयांच्या आसपास आहे.
-
‘गैंग्स ऑफ वासेपुर’, ‘गेम ओवर’, ‘मनमर्जियां’, ‘ब्लैक फ्राइडे’ यांसारखे धमाकेदार चित्रपट देणारा दिग्दर्शक अनुराग कश्यप बॉलिवूडच्या श्रीमंत दिग्दर्शकांमध्ये गणला जातो.
-
अनुराग कश्यप तब्बल ८५० कोटींच्या संपत्तीचा मालक असून त्याचा हैदराबादमध्ये एक लग्जरी बंगला आहे ज्याची किंमत जवळपास ६ कोटी रुपये आहे. अनुराग एक उत्तम दिग्दर्शकच नाही तर उत्तम लेखक देखील आहे.
-
बॉलिवूडच्या श्रीमंत दिग्दर्शकांच्या यादीतील एकमेव महिला दिग्दर्शक आहे मेघना गुलजार. ‘राजी’ आणि ‘छपाक’ सारख्या स्त्रीप्रधान चित्रपटांना प्राधान्य देणाऱ्या मेघना गुलजार त्यांच्या उत्तम दिग्दर्शनासाठी ओळखल्या जातात.
-
आपली बॉलिवूड कारकिर्दीत मोजकेच चित्रपट देणाऱ्या मेघना गुलजार या तब्बल ८३० कोटी रुपयांच्या संपत्तीच्या मालकीण आहेत. याशिवाय त्या निर्मिती क्षेत्रातही कार्यरत आहेत.
-
‘बजरंगी भाईजान’ आणि ‘टाइगर जिंदा है’ सारखे हिट चित्रपट देणारा दिग्दर्शक कबीर खानचा ‘८३’ चित्रपट अलिकडेच प्रदर्शित झाला. मात्र तो फारसा चालला नाही.
-
आपल्या उत्तम दिग्दर्शनासाठी ओळखला जाणारा कबीर खान ३०० कोटींच्या संपत्तीचा मालक आहे. दिग्दर्शकासोबतच तो एक स्क्रिनरायटर आणि सिनेमॅटोग्राफर देखील आहे.
-
दिग्दर्शक रोहित शेट्टी त्याच्या स्टंट आणि अॅक्शन चित्रपटांसाठी ओळखला जातो. रोहितनं ‘चेन्नई एक्सप्रेस’, ‘सिंघम’, ‘गोलमाल’ सारखे सुपरहिट चित्रपट दिले आहे.
-
रोहित शेट्टी दिग्दर्शित ‘सर्कस’ हा चित्रपट २३ डिसेंबरला प्रदर्शित होणार आहे. बॉलिवूडच्या श्रीमंत दिग्दर्शकांच्या यादीत समाविष्ट असलेल्या रोहित शेट्टीची एकूण संपत्ती २९० कोटी रुपये आहे.
Suraj Chavan : ‘एक्स गर्लफ्रेंड परत आली तर स्वीकारणार का?’, सूरज चव्हाण म्हणाला, “बच्चाला आता…”
