मराठी कलाविश्वातील लोकप्रिय अभिनेत्री म्हणजे हृता दुर्गुळे.
अभिनेत्री हृता दुर्गुळेने प्रियकर प्रतीक शाहसोबत लग्नगाठ बांधली आहे.
१८ मे रोजी मराठमोळ्या पारंपरिक पद्धतीने लग्नसोहळा पार पडला.
गेल्या कित्येक दिवसांपासून या हृता-प्रतीकच्या लग्नाची चर्चा होती.
या लग्नसोहळ्यातील अनेक फोटो सध्या सोशल मीडियावर चर्चेत आहेत.
हृताच्या फोटोंवर चाहत्यांकडून शुभेच्छांचा वर्षाव होत आहे.
डिसेंबर महिन्यात हृता आणि प्रतीकचा साखरपुडा पार पडला होता.
प्रतीक हा लोकप्रिय अभिनेत्री मुग्धा शाह यांचा मुलगा आहे.
मुग्धा यांनी अनेक हिंदी आणि मराठी मालिकांमध्ये काम केले आहे.
प्रतीक शाह हे नाव छोट्या पडद्यावरील एक प्रसिद्ध नाव आहे.
प्रतीकने ‘बेहद २’, ‘एक दिवाना था’ आणि ‘तेरी मेरी एक जिंदगी’ यासारख्या लोकप्रिय मालिकांचे दिग्दर्शन केले आहे.
हृताला अभिनय क्षेत्रात ९ वर्षे पूर्ण झाली आहेत.
आजपर्यंत हृताने आपल्या अभिनयाने प्रेक्षकांची मने जिंकली आहेत.
सध्या हृता झी मराठीवरील ‘मन उडू उडू झालं’ या मालिकेत काम करत आहे.
(सर्व फोटो सौजन्य – हृता दुर्गुळे / इन्स्टाग्राम)
