दमदार अभिनय आणि मनमोहक सौंदर्य या दोन गोष्टींमुळे अभिनेत्री ऐश्वर्या राय बच्चनने चित्रपटसृष्टीत स्वत:ची वेगळी ओळख निर्माण केली.
अभिनेत्री ऐश्वर्या राय बच्चनची आई वृंदा राय यांचा आज ७१ वा वाढदिवस आहे.
आईच्या वाढदिवसानिमित्त ऐश्वर्या ही कान्स फिल्म फेस्टिवलमधून परतल्याचे पाहायला मिळत आहे.
नुकतंच ऐश्वर्याने तिच्या आईचा एक गोड फोटो शेअर करत तिला वाढदिवसाच्या शुभेच्छा दिल्या आहेत.
“मी तुझ्यावर खूप प्रेम करते. तू आहेस…म्हणूनच मी आहे. वाढदिवसाच्या खूप खूप शुभेच्छा. माझी आई-डोडा डार्लिंग”, असे कॅप्शन तिने हे फोटो शेअर करतेवेळी दिले आहे.
त्यासोबतच तिने तिच्या आईसोबत केलेल्या वाढदिवसाच्या सेलिब्रेशनचे फोटो पुन्हा शेअर केले आहेत.
यातील एका फोटोत ऐश्वर्या राय, आराध्या बच्चन आणि वृंदा राय दिसत आहेत.
तर दुसऱ्या फोटोत ऐश्वर्या राय, अभिषेक बच्चन, आराध्या बच्चन आणि वृंदा राय या दिसत आहे.
हे फोटो त्यांच्या वाढदिवसाच्या सेलिब्रेशनदरम्यानचे आहेत.
ऐश्वर्याच्या या फोटोंवर चाहत्यांकडून लाइक्स व कमेंट्सचा वर्षाव होत आहे. (सर्व फोटो सौजन्य : ऐश्वर्या राय बच्चन / इन्स्टाग्राम)
