प्रियांका चोप्रा सध्या हॉलिवूड चित्रपटाच्या चित्रीकरणामध्ये व्यग्र आहे.
पण त्याचबरोबरीने अमेरिकमध्ये तिने नवीन व्यवसायाला सुरुवात केली आहे.
‘सोना होम’ नावाचा नवीन ब्रँड तिने लाँच केला आहे.
इन्स्टाग्राम अकाऊंटद्वारे फोटो आणि व्हिडीओ शेअर करत प्रियांकाने याबाबत माहिती दिली.
डिनर सेट, क्रॉकरीसारख्या वस्तू या ब्रँडच्या माध्यमातून प्रियांका लोकांपर्यंत पोहोचवणार आहे.
विशेष म्हणजे या सगळ्या वस्तूंना प्रियांकाने भारतीय टच देण्याचा प्रयत्न केला आहे. भारतीय संस्कृती जपण्याचा यामागचा तिचा हेतू आहे.
परदेशामध्ये राहत असलेल्या भारतीय लोकांना आपल्या संस्कृतीचा विसर पडू नये म्हणून तिने ही नवी कल्पना शोधून काढली आहे.
डिनर सेट, क्रॉकरीसारख्या वस्तूंवर पारंपरिक भारतीय डिझाईन ‘सोना होम’च्या माध्यमातून लोकांना पाहायला मिळणार आहे.
“भारतामधून अमेरिकेमध्ये आल्यावर आपलं अस्तित्व निर्माण करत व्यवसाय सुरु करणं माझ्यासाठी आव्हानात्मक होतं.” असं प्रियांकाने ब्रँड लाँच करताना म्हटलं आहे. (फोटो – इन्स्टाग्राम)
