नयनतारा ते तमन्ना भाटिया; अभिनयाव्यरिक्त ‘या’ व्यवसायातून पैसे कमवतात दाक्षिणात्य अभिनेत्री

दाक्षिणात्य सिनेसृष्टीत आघाडीच्या कलाकारांनी अभिनयासोबतच व्यवसायातही नाव कमवलं आहे. यात अभिनेत्रीही मागे नाहीत. आघाडीच्या अभिनेत्रींमध्ये गणल्या जाणाऱ्या सर्वच दाक्षिणात्य अभिनेत्री काही ना काही व्यवसाय करताना दिसतात. विशेष म्हणजे या क्षेत्रात त्या यशस्वी देखील आहेत. अभिनेत्री नयनतारा एका प्रॉडक्शन हाऊसची मालकीण आहे. तिचं 'राउडी पिक्चर्स प्रॉडक्शन कंपनी' नावाचं प्रॉडक्शन हाऊस आहे. याशिवाय नयनताराने इतर काही ठिकाणी पैशांची गुंतवणूक केली आहे. तिने 'चाय वाला', 'द लिप बाम' आणि सौदी अरबच्या एका तेल कंपनीमध्ये गुंतवणूक केली आहे. अभिनेत्री सामंथा रुथ प्रभूने बरीच हिट चित्रपट दिले आहे. पण अभिनयाव्यतिरिक्त ती व्यवसाय क्षेत्रातही आहे. चित्रपटांव्यतिरिक्त सामंथा रुथ प्रभू 'साकी' या कपड्यांच्या ब्रँडची फाउंडर आहे. अभिनेत्री काजल अग्रवाल 'मरसाला' नामक ज्वेलरी ब्रँडची मालकीण आहे. या व्यवसायात काजलची बहीण निशा अग्रवाल तिची पार्टनर आहे. अभिनेता कमल हसन यांची मुलगी श्रुती हासन दाक्षिणात्य अभिनयसृष्टीतील प्रसिद्ध अभिनेत्री आहे. पण यासोबत ती एक बिझनेसवूमनही आहे. अभिनेत्री श्रुती कमल हासन Isidro नावाची स्वतःची प्रॉडक्शन कंपनी चालवते. अभिनेत्री राकुलप्रीत सिंहने दाक्षिणात्य चित्रपटसृष्टीसोबतच बॉलिवूडवरही आपल्या अभिनयाची छाप सोडली आहे. राकुलप्रीत सिंह जिम बिझनेसमध्ये आहे. तिच्या हैदराबाद आणि विशाखापट्टनम येथे ३ जिम आहेत. 'बाहुबली' फेम तमन्ना भाटिया एक यशस्वी अभिनेत्री तर आहेच पण एक यशस्वी बिझनेसवूमनही आहे. तमन्ना भाटियाचा 'व्हाइट अँड गोल्ड' नावाचा स्वतःचा ज्वेलरी ब्रँड आहे. (सर्व फोटो- सोशल मीडिया)