सरसो के खेत, ट्रॅक्टरची सफर ते सुवर्णमंदिर भेट; पाहा सोनाली कुलकर्णीच्या पंजाब दौऱ्याचे खास फोटो

अभिनेत्री सोनाली कुलकर्णी तिच्या पतीसह पंजाबला फिरायला गेली आहे. पंजाबशी तिचं खास नातं आहे. सोनालीच्या आईचा जन्म तेथे झाला आहे. त्या मूळच्या पंजाबी आहेत. नुकतीच तिने अमृतसरमधील सुवर्णमंदिर या शीख धर्मीयांच्या पवित्र स्थानाला भेट दिली. तेव्हाचे फोटो तिने सोशल मीडियावर शेअर केले आहेत. या फोटोंच्या कॅप्शनमध्ये तिने "आईचं माहेर, आमचं आजोळ, अमृतसर असल्यामुळे लहानपणापासून अगदी दरवर्षी सुवर्ण मंदिरमध्ये यायचो…" "मग पुढे कॉलेजपासून दोन वर्षांतून एकदा…आणि मग पुढे ही gap वाढतंच गेली…" "यंदा साधारण ६-७ वर्षांनी आलोय अमृतसरला … पण यंदाची सुवर्ण मंदिराची फेरी ही खास आहे", असे लिहिले आहे. सोनाली, पती कुणाल आणि बेनोडेकर कुटुंबाचा सुवर्णमंदिराच्या भेटीदरम्यानचा फोटो. काही दिवसांपूर्वी सोनाली तिच्या आजोळच्या गावी गेली होती. तेव्हा तिने शेतामध्ये ट्रॅक्टर चालवण्याचा आनंद घेतला. तिने शेअर केलेले फोटो सध्या सोशल मीडियावर फार व्हायरल होत आहेत. (सर्व फोटो - Sonalee Kulkarni/ instagram) (हेही वाचा - बॉयफ्रेंडशीच केलं लग्न, पण त्याआधीच दुसऱ्या व्यक्तीशी…; लग्नाच्या बऱ्याच वर्षांनंतर शिल्पा तुळसकरचा खासगी आयुष्याबाबत खुलासा)