Photos: प्रिंटेड हायस्लीट गाऊनमध्ये सोनाली कुलकर्णीचा कॅज्युअल लूक होतोय व्हायरल

अभिनेत्री सोनाली कुलकर्णी अनेकदा आपल्या स्टायलिश लूकने सर्वांनाच थक्क करते. सोशल मीडियावर ती वेगवेगळ्या कपड्यांमधील फोटो शेअर करत असते. नुकतंच सोनालीने कॉटनच्या प्रिंटेड हायस्लीट गाऊनमधील फोटो पोस्ट केले आहेत. यावेळी सोनालीने कोणताही मेकअप केला नसून केस मोकळे सोडले आहेत. काळ्या रंगाचा गॉगल घालून सोनालीने वेगवेगळ्या पोजमध्ये फोटो काढले आहेत. सोनालीचा हा कॅज्यूअल लूक चाहत्यांना खूपच आवडला असून त्यांनी फोटोंवर लाइक्स आणि कमेंट्सचा वर्षाव केला आहे. दरम्यान, सोनाली लवकरच 'रावसाहेब' या चित्रपटातून प्रेक्षकांच्या भेटीला येणार आहे. या चित्रपटाचे दिग्दर्शन प्रसिद्ध दिग्दर्शक निखिल महाजन याने केलं आहे. त्याचबरोबर जितेंद्र जोशी, मुक्ता बर्वे, मृण्मयी देशपांडे असे जबरदस्त कलाकार या चित्रपटामध्ये पाहायला मिळणार आहेत. (सर्व फोटो : सोनाली कुलकर्णी/इन्स्टाग्राम)