-
पंजाबी तसेच हिंदी चित्रपटसृष्टीतील प्रसिद्ध आणि लोकप्रिय कलाकारांपैकी एक म्हणजे दिलजीत दोसांझ ज्याने पंजाबी म्युझिक इंडस्ट्रीमध्ये मोठे नाव कमावले आहे.
-
पंजाबच्या कलानमध्ये जन्मलेल्या दिलजीतच्या वडिलांचे नाव बलबीर सिंग आणि आईचे नाव सुखविंदर कौर आहे.
-
दिलजीतचे वडील पंजाब रोडवेजचे निवृत्त कर्मचारी आहेत. दिलजीतचे संपूर्ण बालपण कलानमध्ये गेले. यानंतर तो लुधियाना येथे आले आणि येथून त्यांनी श्री गुरु हरकृष्ण पब्लिक स्कूलमधून आपलं शिक्षण पूर्ण केलं.
-
दिलजीतला लहानपणापासूनच संगीताची आवड होती, त्यामुळे त्याने शाळेत असतानाच स्थानिक गुरुद्वारांमध्ये कीर्तन करून आपल्या गायनाची सुरुवात केली.
-
गुरुद्वारामध्ये गाणं शिकत असतानाच दिलजीतने संगीताच्या दुनियेत आपले करिअर करण्याचा निर्णय घेतला.
-
दिलजीतने २००३ मध्ये ‘इश्क का उड अड्डा’ हा पहिला अल्बम, टी-सिरीज च्या फाइनटोन कॅसेट सह रिलीज केला. हा अल्बम रिलीज होताच सुपरहिट झाला आणि दिलजीतच्या करिअरला सुरुवात झाली.
-
२००५ मध्ये त्याचा तिसऱ्या अल्बम ‘स्माइल’ही हीट झाला होता. या अल्बममध्ये ‘पग्गन पोचावियान’ आणि ‘नच दिएन अलरान कुवरियां’ या गाण्यांचा समावेश होता. २००८ साली प्रदर्शित झालेल्या ‘चॉकलेट’ या अल्बमलाही खूप प्रसिद्धी मिळाली.
-
दिलजीतच्या अभिनय कारकिर्दीबद्दल बोलायचे झाले तर, त्याने २०११ मध्ये पंजाबी चित्रपट ‘द लायन ऑफ पंजाब’ द्वारे त्याच्या अभिनय कारकिर्दीला सुरुवात केली. चित्रपट फ्लॉप झाला असला तरी त्यातील ‘लक २८ कुडी दा’ हे गाणं प्रचंड गाजलं.
-
दिलजीतचे ‘जट्ट अँड ज्युलिएट’ आणि ‘जट अँड ज्युलिएट-२’ हे चित्रपट देखील सुपरहीट ठरले. यानंतर २०१४ मध्ये प्रदर्शित झालेल्या अनुराग सिंगच्या ‘पंजाब १९८४’ चित्रपटा मधील दिलजीतच्या भूमिकेचे प्रेक्षकांनी खूप कौतुक केले.
-
या चित्रपटानंतर दिलजीतसाठी हिंदी चित्रपटांचे मार्गही खुला झाला त्याने २०१६ मध्ये ‘उडता पंजाब’मधून हिंदी चित्रपटसृष्टीत पदार्पण केले. पुढे दिलजीतने ‘गुड न्यूज’, ‘सूरमा’ सारखे अनेक यशस्वी चित्रपटही केले. आज दिलजीतने आपल्या मेहनतीने बॉलिवूडमध्येही आपला ठसा उमटवला आहे.
-
मीडिया रीपोर्टसनुसार दिलजीत एका चित्रपटासाठी ४ कोटींहून अधिक मानधन घेतो. अभिनेत्याची एकूण संपत्ती १७२ कोटी रुपये आहे. यामध्ये खाजगी जेटसह अनेक आलीशान गाड्यांचे समवेशह देखील आहे. (फोटो स्रोत: @दिलजीत दोसांझ/इन्स्टाग्राम)
Bigg Boss Marathi तून बाहेर पडल्यावर आर्या जाधवची पहिली पोस्ट; नेटकरी म्हणाले, “निक्कीला…”
