muslim director danish aslam married actress shruti seth 4 times know reason

शरारत फेम श्रृती सेठने १५ वर्षांपूर्वी दिग्दर्शक दानिश अस्लमशी आंतरधर्मीय लग्न केलं होतं. दोघांची लव्ह स्टोरीदेखील खास होती. कॉमेडी शो ‘शरारत’ फेम श्रुतीने ‘फना’ चित्रपटातून बॉलिवूडमध्ये पदार्पण केले होते. त्याच चित्रपटाच्या सेटवर तिची भेट दानिशशी झाली, जो चित्रपटाचा दिग्दर्शक कुणाल कोहलीचा सहाय्यक होता. दोघांची पहिली भेटही खूप मजेदार होती. सेटवर युनिटशी बोलत दानिश ओरडून ओरडून बोलत होता. तेव्हा जवळच उभ्या असलेल्या श्रुतीने दानिशच्या मागच्या खिशात ठेवलेला माईक काढला आणि दानिशला माझ्याकडेही माईक आहे, असं म्हटलं होतं. तेव्हापासून दोघेही एकमेकांशी बोलू लागले. दानिशने एका मुलाखतीत सांगितले होते की, या दिवसापासून ते दोघे एकमेकांना नऊ दिवस दिवसाला ५० मेसेज करत होते. त्यानंतर त्यांनी एकमेकांना डेट करायला सुरुवात केली. यानंतर त्यांनी एकमेकांना पाच वर्षे डेट केले आणि त्यानंतर लग्नाची वेळ आली. दोघांनी लग्नासाठी खूप खास दिवस निवडला जेणेकरून त्यांचे लग्न अविस्मरणीय राहील. दोघांनी १० ऑक्टोबर २०१० (१०. १०.१०) रोजी लग्न केले. दोघेही वेगवेगळ्या धर्माचे असल्याने लग्नात अडचण आली. दानिशने सांगितले होते की, दोघांचे आई-वडील तयार नव्हते, पण कसेतरी त्यांनी पालकांची मनधरणी केली. सर्वप्रथम दोघांनी गोव्यात ख्रिश्चन पद्धतीने लग्न केले होते. त्यानंतर आई-वडिलांना खूश करण्यासाठी दोघांनी हिंदू, नंतर मुस्लिम पद्धतीने लग्न केलं.तसेच त्यांनी कोर्ट मॅरेजही केलं. दानिश आणि श्रुतीच्या लग्नाचं सेलिब्रेशन तीन दिवस चाललं आणि या तीन दिवसात दोघांनी वेगवेगळ्या पद्धतीने चार वेळा लग्न केले. (सर्व फोटो – सोशल मीडिया) दानिश आणि श्रृतीला एक मुलगी आहे. (फोटो - श्रुती सेठ)