सई ताम्हणकरने 'असा' साजरा केला वाढदिवस! किती वर्षांची झाली? कॅप्शनमध्ये स्वत: सांगितलं वय...

अभिनेत्री सई ताम्हणकर सध्या मराठीसह हिंदी मनोरंजनसृष्टी देखील गाजवताना दिसतेय. गेल्या काही महिन्यांमध्ये सई अनेक हिंदी प्रोजेक्ट्समध्ये झळकल्याचं पाहायला मिळालं आहे. प्रेक्षकांच्या या लाडक्या अभिनेत्रीने नुकताच तिचा वाढदिवस साजरा केला. २५ जूनला सईचा वाढदिवस असतो. सईने तिचा यंदाचा वाढदिवस कसा साजरा केला याची झलक इन्स्टाग्रामवर फोटो शेअर करत दाखवली आहे. सई ताम्हणकर वाढदिवसानिमित्त सुंदर अशा धबधब्याच्या ठिकाणी भटकंती करण्यासाठी गेली होती. नेटकऱ्यांनी सईचे फोटो पाहून हा धबधबा भंडारदरा येथील वसुंधरा Waterfall असल्याचं कमेंट्समध्ये म्हटलं आहे. सई वाढदिवसानिमित्त आपल्या मित्रमंडळींसह फिरायला गेली होती. याशिवाय दुसऱ्या एका फोटोमध्ये सईच्या आईने वाढदिवशी लाडक्या लेकीचं औक्षण केल्याचं पाहायला मिळत आहे. सईने आईबरोबरचा क्युट फोटो देखील इन्स्टाग्रामवर शेअर केला आहे. यामध्ये मायलेकींनी एकमेकींना मिठी मारल्याचं पाहायला मिळत आहेत. सईच्या बर्थडे पोस्टमध्ये सर्वाधिक लक्ष अभिनेत्रीच्या कॅप्शनने वेधून घेतलं. कारण, यामध्ये सईने "Birthday Dump!" असं लिहून खाली हॅशटॅगमध्ये स्वत:चं वय देखील सांगितलं आहे. सईने कॅप्शनमध्ये नमूद केल्यानुसार ती आता ३९ वर्षांची ( २५ जून १९८६ ) झाली आहे. अभिनेत्रीच्या चाहत्यांसह नेटकऱ्यांनी सईवर वाढदिवसानिमित्त शुभेच्छांचा वर्षाव केला आहे. ( सर्व फोटो सौजन्य : सई ताम्हणकर इन्स्टाग्राम )