Photos: सोहम व पूजाच्या संगीत सोहळ्यात सुचित्रा बांदेकरांनी 'असा' केलेला लूक; फोटो व्हायरल

मराठी अभिनेते आदेश बांदेकर (Aadesh Bandekar) आणि अभिनेत्री सुचित्रा (Suchitra Bandekar) यांचा मुलगा सोहमने २ डिसेंबर रोजी लोकप्रिय टीव्ही अभिनेत्री पूजा बिरारीबरोबर लग्नगाठ बांधली. लोणावळ्यातील एका आलिशान रिसॉर्टमध्ये सोहम बांदेकर (Soham Bandekar) आणि पूजा बिरारी (Pooja Birari) यांचा लग्नसोहळा मोठ्या थाटामाटात पार पडला. सोहम व पूजाचा हळद आणि संगीत सोहळा ही मोठ्या उत्साहात साजरा झाला होता. संगीत समारंभात सोहमने फिल्मी स्टाईलमध्ये पूजाला प्रपोज केले होते. सोहमच्या संगीत सोहळ्यात आदेश बांदेकर आणि सुचित्रा बांदेकर यांनीही शाहरुख खानच्या 'मेरे महबूब मेरे सनम' या गाण्यावर डान्स करत धमाल केली होती. या संगीत सोहळ्यात सुचित्रा यांनी चंदेरी रंगाचा डिझायनर ड्रेस परिधान केला होता. या ड्रेसमधील लूकवर सुचित्रा यांनी मोजके दागिने परिधान करत सुंदर मेकअप लूक केला होता. मेकअप आर्टिस्ट श्रद्धा राणे यांनी सुचित्रा यांचा हा 'मेकओव्हर' करतानाचा रील व्हिडीओ सोशल मीडियावर शेअर केला आहे. विशेष म्हणजे, या व्हिडीओला इन्स्टाग्रामवर आतापर्यंत १५ लाखांहून अधिकव्ह्यूज मिळाले आहेत. (सर्व फोटो सौजन्य : सोहम बांदेकर/इन्स्टाग्राम) (हेही पाहा : स्वानंदी टिकेकर व आशिष कुलकर्णीची फिनलँड सफर; बर्फातील फोटोशूटची चर्चा)