अत्यंत साधा, सरळ आणि…; 'महाराष्ट्राची हास्यजत्रा'मधील प्रियदर्शिनी इंदलकरनं 'या' खास व्यक्तीचं केलं भरभरून कौतुक

टिव्हीवरील 'महाराष्ट्राची हास्यजत्रा' या लोकप्रिय शोच्या माध्यमातून घराघरांत पोहोचलेले कलाकार म्हणजे अभिनेत्री प्रियदर्शिनी इंदलकर आणि अभिनेता समीर चौघुले. 'महाराष्ट्राची हास्यजत्रा'सह प्रियदर्शिनीनं 'फुलराणी', 'दशावतार'सारख्या काही मराठी सिनेमांमधूनही प्रेक्षकांचं मनोरंजन केलं आहे. प्रियदर्शिनी सोशल मीडियावर कायमच सक्रिय असतात. सोशल मीडियावर ती तिचे अनेक फोटो-व्हिडीओ शेअर करीत असते. अशातच प्रियदर्शिनीने सहकलाकार समीर चौघुलेचं कौतुक करणारी खास पोस्ट शेअर केली आहे. दोघांचा एकत्र फोटो शेअर करीत तिनं तिच्या भावना व्यक्त केल्या आहेत. या पोस्टमध्ये प्रियदर्शिनी समीरबद्दल म्हणते, "अत्यंत साधा, सरळ आणि सामान्य जगण्यातला विनोद करणं ही तुझी खासियतच आहे. हीच विनोदशैली अनुभवताना दोन अडीच तास कधी संपतात लक्षातच येत नाही." यापुढे प्रियदर्शिनी म्हणते, "स्वतःवर हसल्यामुळे आणि आयुष्यातल्या छोट्या छोट्या गोष्टींची गंमत घेतल्यामुळे आयुष्य कसं सुंदर बनतं याची आठवण करून देण्यासाठी धन्यवाद." यापुढे ती समीरचं कौतुक करीत म्हणते, "मी स्वतःला खूपच भाग्यवान समजते की मला तुझ्या सारख्या व्यक्तीबरोबर काम करण्याची संधी मिळाली. तुझ्याबद्दल प्रचंड अभिमान वाटतो. तू एकटाच रंगमंचावर पुरुन उरतोस." दरम्यान, प्रियदर्शिनीने शेअर केलेली ही कौतुकास्पद पोस्ट समीर चोघुलेच्या 'सम्या सम्या मैफिलीत माझ्या' या कार्यक्रमासाठीची आहे. 'सम्या सम्या मैफिलीत माझ्या' हा समीर चोघुलेचा एकपात्री कथाकथनाचा कार्यक्रम आहे. प्रियदर्शिनीने शेअर केलेल्या या पोस्टला अनेक कलाकार आणि चाहत्यांनी लाईक्स अणि कमेंट करत प्रतिसाद दिला आहे. तसंच कमेंटमध्येही नेटकऱ्यांनी समीरचं कौतुक केलं आहे. (सर्व फोटो सौजन्य : इन्स्टाग्राम)