Photos: 'आशा' चित्रपटाच्या निमित्ताने रिंकू राजगुरूचे खास फॅमिली फोटोशूट; चाहत्यांनी केला कौतुकाचा वर्षाव!

मराठी चित्रपटसृष्टीतील अभिनेत्री रिंकू राजगुरूचा (Rinku Rajguru) बहुचर्चित 'आशा' (Asha Movie) हा चित्रपट १९ डिसेंबर २०२५ रोजी संपूर्ण महाराष्ट्रात प्रदर्शित झाला आहे. रिंकूने आपल्या कुटुंबासह या चित्रपटाच्या प्रीमियरला हजेरी लावली होती. यावेळी तिने शेअर केलेल्या फॅमिली फोटोंनी सोशल मीडियावर सर्वांचे लक्ष वेधून घेतले आहे. ग्रामीण आरोग्य दूतांची कथा दिग्दर्शक दीपक पाटील यांचा 'आशा' हा चित्रपट ग्रामीण महाराष्ट्रातील 'आशा' स्वयंसेविकांच्या कष्टावर आणि त्यांच्या प्रेरणादायी संघर्षावर भाष्य करतो. या चित्रपटात रिंकूने 'मालती' नावाच्या एका स्वाभिमानी आणि कर्तव्यदक्ष आशा सेविकेची भूमिका साकारली आहे. आरोग्य सेवा दुर्गम भागापर्यंत पोहोचवण्यासाठी मालतीला करावा लागणारा संघर्ष यात अतिशय प्रभावीपणे मांडण्यात आला आहे. या चित्रपटाच्या प्रीमियर शोसाठी रिंकूने सोनेरी रंगाची सुंदर साडी नेसली होती. यावेळी तिने आपल्या आई-वडिलांबरोबर खास फोटोशूट केले. रिंकूच्या फोटोंवर चाहत्यांनी 'घराला घरपण देणारी माणसं', 'खूप छान', आणि 'सुखी कुटुंब' अशा कमेंट्स केल्या आहेत. या चित्रपटाचे चित्रीकरण धुळे जिल्ह्यात साखरी तालुक्यात झाले आहे. (सर्व फोटो सौजन्य : रिंकू राजगुरू/इन्स्टाग्राम) (हेही पाहा : 'कुटुंब किर्रतन' नाटकातील तन्वी मुंडलेचं मोरपंखी पैठणी साडीतील सौंदर्य)